Fermingarfræðslunámskeið í næstu viku
Fermingarnámskeið verður dagana 16-19. ágúst n.k. í safnaðarheimilinu Borgum (skáhalt á móti Gerðarsafni) frá því klukkan 10:00-16:00. Námskeiðið er fyrir þau sem það kjósa, þau þurfa þá ekki að sækja fræðslu nema í nokkur skipti yfir veturinn en mæta reglulega í guðsþjónustur og messur.
Þau eru beðin um að koma með nesti fyrir hádegismat og kaffi sem og koma í fatnaði sem hentar útiveru.
Miðað er við að unglingar mæti í allar fræðslustundir og ef forföll verða, vinsamlega tilkynnið þau við fyrsta tækifæri.
Eins er miðað við að foreldrar og forráðamenn taki virkan þátt í fræðslu og kirkjusókn unglinganna. Í fræðsluna skulu unglingarnir taka með sér skriffæri og A4 vinnubók, kennslubókina “Líf með Jesú” og “Kirkjulykilinn” en bækurnar fást í Kirkjuhúsinu á Laugavegi 31 og í fleiri bókabúðum. Fermingarfræðslugjald er 9300 krónur og skal greiða í lok námskeiðisins.
Nánari upplýsingar er hægt að fá með því að senda tölvupóst á netfangiðkopavogskirkja@kirkjan.is
Sigurður Arnarson, 10/8 2010 kl. 18.29
