Kópavogskirkja

Maximús Músíkkús

Sigurður Arnarson — Mon, 08 Mar 2010 22:00:05 +0000

Á hverjum þriðjudegi er “Mál dagsins” í safnaðarheimilinu Borgum og hefst klukkan 14:30 með samsöng undir stjórn Friðriks Kristinssonar og Lenku Mátéová. Um klukkan 15:10 er flutt 15-20 mínútna erindi og lýkur stundinni með helgistund rétt fyrir klukkan 16:00. Á morgunn þriðjudag mun Hallfríður Ólafsdóttir, flautuleikari flytja erindi um verkefnið “Maximús Músíkkús”.

Fyrirbæna og kyrrðarstund í þriðjudagshádegi.

Sigurður Arnarson — Mon, 08 Mar 2010 21:54:53 +0000

Hefst klukkan 12:10 í Kópavogskirkju. Léttur hádegisverður gegn vægu verði í boði í safnaðarheimilinu á eftir. Fyrirbænaefnum má koma til sóknarprests með því að senda tölvupóst á kopavogskirkja@kirkjan.is

Fermingarfræðslan, upplýsingar

Sigurður Arnarson — Sat, 06 Mar 2010 09:04:23 +0000

1. Fermingarferðalagið í Vatnaskóg gekk mjög vel og langar mig að þakka unglingunum fyrir sérstaklega skemmtilega og góða samveru og samfélag. Framkoma þeirra og nærvera er til fyrirmyndar.

2. Á morgunn sunnudag 7. mars verður guðsþjónusta í Kópavogskirkju klukkan 11:00 með þáttöku þeirra sem hafa verið í fermingarfræðslu í vetur og í barnastarfi kirkjunnar í tilefni af Æskulýðsdegi Þjóðkirkjunnar.

Fermingarbörn vetrarins og foreldar þeirrra eru sérstaklega boðin velkomin. Skólakór Kársnes mun syngja undir stjórn Þórunnar Björnsdóttur og Þórunn hefur beðið um að þær sem eru í kórnum úr fermingarárganginum mæti til æfingar í kirkjunni klukkan 10:30.

3. Aukatímar verða í fermingarfræðsluni mánudaginn 8. mars frá klukkan 15:00-17:00 og fimmtudaginn 11. mars frá klukkan 15:00-16:30 og í þar næstu viku. Þau sem eiga að mæta í þessa tíma verða látin vita af því í fræðslunni í dag.

4. Æfingar fyrir fermingar verða sem segir og undirstrikað er mikilvægi þess að allir mæti á æfingar með þeim hóp sem þau fermast með:

Hópurinn sem fermist á Pálmasunnudegi 28. mars klukkan 11:00 mun æfa, laugardaginn 20. mars klukkan 13:00-13:45 og laugardaginn 27. mars klukkan 11:00-11:45.

Hópurinn sem fermist á Skírdegi 1. apríl mun æfa mánudaginn 29. mars klukkan 11:00-11:45 og þriðjudaginn 30. mars klukkan 11:00-11:45.

Hópurinn sem fermist sunnudaginn 11. apríl mun æfa þriðjudaginn 6, apríl klukkan 16:00-17:15 og laugardaginn 10. apríl frá klukkan 10:30-11:15.

Æft verður í Kópavogskirkju og foreldrar og eða forráðamenn beðnir að vera með sínum unglingum á seinni æfingu hvers (athugið ekki fyrri eins og sagði í síðasta bréfi). Reiknað er með að hver athöfn taki 60-75 mínútur.

Ef forföll verða vinsamlega tilkynnið þau á kopavogskirkja@kirkjan.is

Margmiðlunarguðsþjónusta ÆSKR í Neskirkju á Æskulýðsdaginn

Sigurður Arnarson — Thu, 04 Mar 2010 23:27:39 +0000

ÆSKR stendur fyrir margmiðlunarguðsþjónustu fyrir æskulýðsfélögin í Neskirkju á æskulýðsdaginn kl. 20.00. Stundin ber yfirskriftina Bænarý en margmiðlunarguðsþjónusta er nýtt fyrirbrigði á Íslandi. Þar verður öll möguleg tækni s.s. SMS, skjátækni, hljóð, tölvubænir, Skype o.fl nýtt við helgihaldið. Það er ljóst að í guðsþjónustunni munu gestir upplifa eitthvað alveg nýtt og einstakt sem sýnir að helgihaldið á vel við nútímann. Sr. Arna Grétarsdóttir prestur í Noregi prédikar gegnum Skype.

Ps. Taktu farsímann með …

Æskulýðsdagur Þjóðkirkjunar

Sigurður Arnarson — Thu, 04 Mar 2010 23:18:10 +0000

Sunnudaginn 7. mars verður guðsþjónusta í Kópavogskirkju klukkan 11:00 með þáttöku þeirra sem hafa verið í fermingarfræðslu í vetur og í barnastarfi kirkjunnar í tilefni af Æskulýðsdegi Þjóðkirkjunnar.Fermingarbörn vetrarins og foreldar þeirrra eru sérstaklega hvött til að mæta. Skólakór Kársnes mun syngja undir stjórn Þórunnar Björnsdóttur.

Foreldramorgunn

Sigurður Arnarson — Wed, 03 Mar 2010 22:22:50 +0000

Í fyrramálið mun Ingibjörg Leifsdóttir, hjúkrunarfræðingur halda erindi á foreldramorgni í safnaðarheimilinu um svefnvenjur ungbarna. Stundin hefst klukkan 10:00 og lýkur kl. 12:00. Boðið er upp á niðurskorna ávexti og gott samfélag.

Erindi um siðblindu hjá “Máli dagsins”

Sigurður Arnarson — Tue, 02 Mar 2010 21:28:34 +0000

Þeim fer fjölgandi þátttakendunum í “máli dagsins” á þriðjudögum frá klukkan 14:30-16:00 í safnaðarheimilinu Borgum. Um 40 manns sóttu stundina í dag sem hófst að venju á söng í umsjón Friðriks Kristinssonar sem meðal annars er stjórnandi Karlakórs Reykjavíkur og Drengjakórs Reykjavíkur. Organistinn okkar Lenka Mátéová var ekki í dag þar sem hún hélt í morgunn í vikuferð til Tékklands. Nanna Briem geðlæknir kom og flutti fróðlegt erindi um siðblindu. Að því loknu var boðið upp á kaffi og með því í umsjón Sigurrósar Svavarsdóttur, kirkjuvarðar. Stundinni lauk svo með helgistund. Þriðjudaginn 9. mars mun Hallgerður Ólafsdóttir flytja erindi um “Maximus Músíkmús”.

Fermingarferðalag í Vatnaskóg

Sigurður Arnarson — Tue, 02 Mar 2010 21:23:01 +0000

Yfir 50 unglingar úr Kársnesinu komu í dag heim úr velheppnuðu fermingarferðalagi í Vatnaskóg. Tekið var glæsilega og vel á móti hópnum í Vatnaskógi. Boðið var upp meðal annars upp á fjölbreytta fræðslu og mikinn frjálsan tíma sem unglingarnir nýttu sér óspart í blíðu og fallegu veðri. Hópurinn stóð sig mjög vel og var óspart hrósað af presti og starfsmönnum námskeiðisins.

Vaktsími presta í Kópavogi

Sigurður Arnarson — Fri, 26 Feb 2010 17:44:32 +0000

Prestar í Kópavogi hafa tekið í gagnið vaktsíma sem notaður er á bakvöktum innan allra fjögurra safnaða Kópavogs. Um er að ræða síma sem fer á milli 8 prestanna í bænum, viku og viku í senn, og sinnir útköllum í bænum utan hefðbundins vinnutíma, skrifstofutíma, þ.e. á kvöldin, nætur og um helgar. Þetta þýðir að þegar kalla þarf út prest í útkall í Kópavogi þá er hringt í þetta númer. Ef nauðsyn þykir að hafa samband við viðkomandi sóknarprest/presta þá mun sá prestur sem er á vaktinni meta það og láta þá vita. Skipulagið er þannig að gert er ráð fyrir einum á bakvakt (handhafa símans) og svo tveimur til vara ef þörf þykir. Síminn verður tekinn í notkun núna um helgina. Ætlunin er að sjá og reyna hvernig til tekst á næstu mánuðum. Nýi vaktsíminn í Kópavogi er þessi: 843-0444.

Tónlistarmessa næsta sunnudag

Sigurður Arnarson — Wed, 24 Feb 2010 19:53:57 +0000

Næstkomandi sunnudag 28. febrúar klukkan 11:00 mun Kór Kópavogskirkju undir stjórn Lenku Mátéová syngja í messu mismunandi útsetningar við föstusálma Hallgríms Péturssonar. Sr. Sigurður Arnarson mun prédika og þjóna fyrir altari. Sunnudagaskólinn verður í safnaðarheimilinu Borgum á sama tíma í umsjón Ingu Harðardóttur, Sigríðar Stefánsdóttur og Sólveigar Aradóttur.