Kópavogskirkja

Skráning og kynningarfundur fyrir fermingarbörn fædd árið 1998, foreldra þeirra og forráðamenn verður sunnudaginn 22. maí n.k.  Guðsþjónusta hefst í kirkjunni kl.11:00 og eru fermingarbörnin, foreldrar þeirra og forráðamenn boðuð sérstaklega þangað.  Að guðsþjónustu lokinni er kynningarfundur og í safnaðarheimilinu og skráning í fræðsluna.  Mikilvægt er að mæta en lögð er áhersla á virka þátttöku fermingarbarna og foreldra þeirra í kirkjustarfinu ef fólk kemst ekki vinsamlega látið vita með því að senda tölvupóst á kopavogskirka@kirkjan.is  Hlökkum til að sjá sem flesta. 

Sóknarprestur og starfsfólk Kópavogskirkju.

Magnaðar og mikilfenglegar ljósmyndir frá eldgosinu í Eyjafjallajökli eftir Ragnar Th. Sigurðsson, ljósmyndara prýða nú veggi safnaðarheimilisins Borga.  Sýngin verður formlega opnuð miðvikudagskvöldið 11. maí klukkan 20:00 í tengslum við Kópavogsdaga.  Kór Kópavogskirkju mun syngja nokkur lög tengd Kópavogi undir stjórn Lenku Mátéová við opnunina.  Allir eru hjartanlega velkomnir.

Mál dagsins hefst að venju kl.14:30 í safnaðarheimilinu Borgum á samsöng undir stjórn Friðriks Kristinssonar og Lenku Mátéová.  Klukkan 15:10 mun Auðunn Atlason frá Utanríkisráðuneytinu ræða um Evrópumálin og utanríkismál.  Um kl. 15:30 er drukkið kaffi og með því.  Rétt fyrir klukkan 16:00 er stutt helgistund.  Allir hjartanlega velkomnir.

Þann 11. maí n.k. klukkan 20:00 verður opnuð ljósmyndasýning Ragnars Th. Sigurðssonar í safnaðarheimilinu Borgum (skáhalt gengt Gerðarsafni).  Myndefnið er eldgosið í Eyjafjallajökli árið 2010. Kór Kópavogskirkju mun syngja lög tengd Kópavogi undir stjórn Lenku Mátéová, kantors kirkjunnar.  Allir hjartanlega velkomnir.

Aðalsafnaðarfundur Kársnessóknar 2011

Aðalsafnaðarfundur Kársnessóknar verður sunnudaginn 15. maí  2011.  Fundurinn hefst klukkan 12.00 í safnaðarheimilinu Borgum.

Dagskrá:

Venjuleg aðalfundarstörf

Sóknarnefnd Kársnessóknar

Guðsþjónusta verður klukkan 11.00.  Sr. Sigurður Arnarson predikar og þjónar fyrir altari.  Kór Kópavogskirkju syngur undir stjórn Lenku Mátéová kantors kirkjunnar.

Á mesta velferðarskeiði Íslandssögunnar jókst misskipting í landinu. Eftir hrun hefur mistekist að verja hag þeirra sem minnst mega sín. Útilokað er að lifa af lægstu launatöxtum eða örorkubótum og atvinnuleysi er mikið. Fátækt hefur aftur numið land á Íslandi. Fjöldi Íslendinga sveltur. Það hefur Guðmundar Magnússonar, formaður Öryrkjabandalagsins, bent á og prestar finna fyrir því sama í störfum sínum.

Þjóðmálanefnd kirkjunnar kallar til málþings um fátækt á Íslandi föstudaginn 6. maí. Þar verður leitað svara við því hvernig við eigum að bregðast við fátæktinni og hvernig við getum stutt við fólk í að halda reisn sinni þrátt fyrir erfiðar fjárhagslegar aðstæður.

Flutt verða tvö framsöguerindi:

Bjarni Karlsson: Ástandið á Íslandi.

Vilborg Oddsdóttir: Fyrirkomulag innlends hjálparstarfs.

Þórhallur Heimsson, sóknarprestur í Hafnarfjarðarkirkju, mun bregðast við erindum og leiðir þátttakendur inn í almennar umræður.

Málþingið verður haldið á Torginu í safnaðarheimili Neskirkju milli kl. 12 og 13:30, föstudaginn 6. maí. Fundarstjóri verður Anna Sigríður Pálsdóttir, Dómkirkjuprestur.

Hér með eru allir innan sem utan kirkju: prestar, biskupar, forystumenn hagsmunasamtaka, Alþingismenn, ráðherrar og það sem mestu máli skiptir venjulegir menn, karlar og konur, hvött og hvattir til þess að láta sig þetta brýna samfélagsmálefni varða, fræðast og vitna með nærveru sinni um alvarleik þessa brýna viðfangsefnis.

Um fyrirlesarana

Bjarni Karlsson er sóknarprestur í Laugarneskirkju. Hann hefur látið sig málið varða innan kirkju og á vettvangi Reykjavíkurborgar.

Vilborg Oddsdóttir er félagsráðgjafi hjá Hjálparstarfi kirkjunnar, hefur kvatt sér hljóðs um þennan vágest fátæktina í íslensku samfélagi.

Úr Mannréttindayfirlýsingu Sameinuðu Þjóðanna

,,Allir þjóðfélagsþegnar skulu … eiga rétt á félagslegu öryggi og þeim efnahagslegu, félagslegu og menningarlegu réttindum, sem eru nauðsynleg til þess að virðing þeirra og þroski fái notið sín.“

,,Allir eiga rétt á lífskjörum sem nauðsynleg eru til verndar heilsu og vellíðan þeirra sjálfra og fjölskyldu þeirra. Telst þar til fæði, klæði, húsnæði, læknishjálp og nauðsynleg félagsleg þjónusta, svo og réttur til öryggis vegna atvinnuleysis, veikinda, fötlunar, fyrirvinnumissis, elli eða annars sem skorti veldur og menn geta ekki við gert. Mæðrum og börnum ber sérstök vernd og aðstoð.“

Mál dagsins hefst að venju með samsöng undir stjórn Friðriks Kristinssonar og Lenku Mátéová.  Síðan verður drukkið kaffi og með því og því loknu haldið í Gerðarsafn þar sem sýning í tilefni 100 ára afmælis Barböru Árnason, verður skoðuð með leiðsögn.

Dr. Sigurjón Árni Eyjólfsson, héraðsprestur prédikar og þjónar fyrir altari.  Kór Kópavogskirkju syngur.

Hátíðarguðsþjónusta.  Sungnir hátíðarsöngvar sr. Bjarna Þorsteinssonar.  Kór Kópavogskirkju syngur undir stjórn Lenku Mátéová, kantors.  Sr. Sigurður Arnarson prédikar og þjónar fyrir altari.  Að guðsþjónustu lokinni er kirkjugestum boðið í heitt súkkulaði og með því í safnaðarheimilinu Borgum.  Klukkan 09:45 er páskaeggjaleit í nágrenni safnaðarheimilisins fyrir börnin.  Þeirri stund lýkur með stuttri bæn.