Kópavogskirkja

Næsta guðsþjónusta verður sunnudaginn 21. mars n.k. klukkan 11:00 í Kópavogskirkju.  Dr. Sigurjón Árni Eyjólfsson prédikar og þjónar fyrir altari.  Kór Kópavogskirkju syngur undir stjórn Lenku Mátéová.  Sunnudagskóli í safnaðarheimilinu “Borgum” á sama tíma í umsjón Ingu Harðardóttur, Sigríðar Stefánsdóttur og Sólveigar Aradóttur.

Laugardaginn 20. mars n.k. verða síðustu fermingarfræðslutímar vetrarins í Borgum frá klukkan 10:30-12:45.

Á morgunn fimmtudaginn 18. mars verður foreldramorgunn í Borgum frá klukkan 10:00-12:00.  Föndursérfræðingur kemur og kennir föndurgerð fyrir páska.  Boðið upp á niðurskorna ávexti og hressingu.  Allir hjartanlega velkomnir.

Næstkomandi sunnudag 14. mars verður guðsþjónusta klukkan 11:00.  Sr. Sigurður Arnarson prédikar og þjónar fyrir altari.  Kór Kópavogskirkju syngur undir stjórn Lenku Mátéová.  Sunnudagskólinn er í umsjón þeirra Ingu Harðardóttur, Sigríðar Stefánsdóttur og Sólveigar Aradóttur.

Foreldramorgnum var að berast góð gjöf frá Náttúrulækningabúðinni á Skólavörðustíg.  Um er að ræða leikföng sem tekin verða í notkun í fyrramálið á Opnu húsi í safnaðarheimilinu Borgum frá klukkan 10:00-12:00.

Á hverjum þriðjudegi er “Mál dagsins” í safnaðarheimilinu Borgum og hefst klukkan 14:30 með samsöng undir stjórn Friðriks Kristinssonar og Lenku Mátéová.  Um klukkan 15:10 er flutt 15-20 mínútna erindi og lýkur stundinni með helgistund rétt fyrir klukkan 16:00.  Á morgunn þriðjudag mun Hallfríður Ólafsdóttir, flautuleikari flytja erindi um verkefnið “Maximús Músíkkús”.

Hefst klukkan 12:10 í Kópavogskirkju. Léttur hádegisverður gegn vægu verði í boði í safnaðarheimilinu á eftir. Fyrirbænaefnum má koma til sóknarprests með því að senda tölvupóst á kopavogskirkja@kirkjan.is

1. Fermingarferðalagið í Vatnaskóg gekk mjög vel og langar mig að þakka unglingunum fyrir sérstaklega skemmtilega og góða samveru og samfélag. Framkoma þeirra og nærvera er til fyrirmyndar.

2. Á morgunn sunnudag 7. mars verður guðsþjónusta í Kópavogskirkju klukkan 11:00 með þáttöku þeirra sem hafa verið í fermingarfræðslu í vetur og í barnastarfi kirkjunnar í tilefni af Æskulýðsdegi Þjóðkirkjunnar.

Fermingarbörn vetrarins og foreldar þeirrra eru sérstaklega boðin velkomin. Skólakór Kársnes mun syngja undir stjórn Þórunnar Björnsdóttur og Þórunn hefur beðið um að þær sem eru í kórnum úr fermingarárganginum mæti til æfingar í kirkjunni klukkan 10:30.

3. Aukatímar verða í fermingarfræðsluni mánudaginn 8. mars frá klukkan 15:00-17:00 og fimmtudaginn 11. mars frá klukkan 15:00-16:30 og í þar næstu viku. Þau sem eiga að mæta í þessa tíma verða látin vita af því í fræðslunni í dag.

4. Æfingar fyrir fermingar verða sem segir og undirstrikað er mikilvægi þess að allir mæti á æfingar með þeim hóp sem þau fermast með:

Hópurinn sem fermist á Pálmasunnudegi 28. mars klukkan 11:00 mun æfa, laugardaginn 20. mars klukkan 13:00-13:45 og laugardaginn 27. mars klukkan 11:00-11:45.

Hópurinn sem fermist á Skírdegi 1. apríl mun æfa mánudaginn 29. mars klukkan 11:00-11:45 og þriðjudaginn 30. mars klukkan 11:00-11:45.

Hópurinn sem fermist sunnudaginn 11. apríl mun æfa þriðjudaginn 6, apríl klukkan 16:00-17:15 og laugardaginn 10. apríl frá klukkan 10:30-11:15.

Æft verður í Kópavogskirkju og foreldrar og eða forráðamenn beðnir að vera með sínum unglingum á seinni æfingu hvers (athugið ekki fyrri eins og sagði í síðasta bréfi). Reiknað er með að hver athöfn taki 60-75 mínútur.

Ef forföll verða vinsamlega tilkynnið þau á kopavogskirkja@kirkjan.is

ÆSKR stendur fyrir margmiðlunarguðsþjónustu fyrir æskulýðsfélögin í Neskirkju á æskulýðsdaginn kl. 20.00. Stundin ber yfirskriftina Bænarý en margmiðlunarguðsþjónusta er nýtt fyrirbrigði á Íslandi. Þar verður öll möguleg tækni s.s. SMS, skjátækni, hljóð, tölvubænir, Skype o.fl nýtt við helgihaldið. Það er ljóst að í guðsþjónustunni munu gestir upplifa eitthvað alveg nýtt og einstakt sem sýnir að helgihaldið á vel við nútímann. Sr. Arna Grétarsdóttir prestur í Noregi prédikar gegnum Skype.

Ps. Taktu farsímann með …