Kópavogskirkja

Á morgunn þriðjudaginn 18. maí hefst mál dagsins að venju klukkan 14:30 með samsöng undir stjórn Friðriks  Kristinssonar og Lenku Mátéóvá.  Jón Jóhannesson, djákni mun svo segja frá starfi djáknans.  Stundinni lýkur svo með helgistund.

Eldri félagar úr Karlakór Reykjavíkur syngja í safnaðarheimilinu borgum síðastliðinn Uppstigningardag

Gestir fylgjast með söng eldri félaga Karlakórs Reykjavíkur

Síðastliðinn fimmtudag 13. maí var guðsþjónusta í Kópavogskirkju.  Rannveig Löve flutti hugleiðingu en Rannveig fagnar 90 ára afmæli á árinu.  Sigríður Pálsdóttir og Pálína Magnúsdóttir lásu ritningarlestra og sr. Sigurður Arnarson þjónaði fyrir altari.  Félagar úr “Máli dagsins” og eldri félagar úr Karlakór Reykjavíkur leiddu safnaðarsöng.  Organisti var Lenka Mátéová.  Í kirkjukaffinu á eftir sungu eldri félagarnir úr Karlakór Reykjavíkur undir stjórn Friðriks Kristinssonar.

Íslenskt kirkjukaffi í Sænsku kirkjunni í Lundúnum

Næstkomandi sunnudag þann 16. maí verður guðsþjónusta klukkan 11:00.  Tríó skipað þeim Eydísi Franzdóttur, Ármanni Helgasyni og Hallfríði Ólafsdóttur leikur áður en guðsþjónustan hefst. Sunnudagaskóli verður í kirkjunni í umsjón Hafdísar Huldar Þrastardóttur.  Björg Þórhalldsóttir syngur einsöng og Hallfríður Ólafsdóttir leikur einleik á þverflautu.  Kór Kópavogskirkju syngur ásamt gömlum félögum úr Íslenska kórnum í Lundúnum og hefst æfing í kirkjunni klukkan 10:00 undir stjórn Lenku Mátéová organista.  Sr. Sigurður Arnarson prédikar og þjónar fyrir altari.  Þau sem hafa tækifæri eru beðin um að koma með “hádegisverðar vænar” veitingar á hlaðborð sem verður í boði eftir guðsþjónustuna í safnaðarheimilinu Borgum (skáhalt á móti Gerðarsafni).

Fimmtudaginn 13. maí n.k. verður guðsþjónusta í Kópavogskirkju klukkan 14:00 (athugið breyttan tíma).  Félagar úr “Máli dagsins” leiða safnaðarsöng ásamt eldri félögum úr Karlakór Reykjavíkur.  Sr. Sigurður Arnarsson þjónar fyrir altari og Rannveig Löve, fyrrverandi sérkennari flytur hugleiðingu.  Pálína Magnúsdóttir og Sigríður Pálsdóttir lesa ritningarlestra.  Organisti er Lenka Mátéová.  Eftir guðsþjónustuna er kaffi og með því í safnaðarheimilinu Borgum (skáhalt á móti Gerðarsafni).  Eldri félagar úr Karlakór Reykjavíkur munu taka lagið.

Sunnudaginn 9. maí klukkan 11:00 er guðsþjónusta í Kópavogskirkju.  Dr. Sigurjón Árni Eyjólfsson, héraðsprestur prédikar og þjónar fyrir altari.  Kór Kópavogskirkju syngur undir stjórn Lenku Mátéová, organista.

Í morgun föstudaginn 7. maí opnuðu börn og kennarar úr 2 bekk í Kópavogsskóla sýningu á myndum sínum af Kópavogskirkju í anddyri kirkjunnar.  Börnin unnu verkin eftir heimsókn í kirkjuna í mars síðastliðnum.  Sýningin mun standa út maímánuð.

Miðvikudagskvöldið 12. maí næstkomandi klukkan 20:00 verða haldnir tónleikar í nýja safnaðarheimilinu Borgum við Hábraut (skáhalt á móti Gerðarsafni).  Þetta er í fyrsta sinn sem þar eru haldnir tónleikar með kammertónlist.  Þeir sem koma fram eru Kammertríó Kópavogs skipað Peter Máté píanóleikara og flautuleikurunum Guðrúnu Birgisdóttur og Martial Nardeau.    Á efnisskrá tónleikanna eru verk eftir Loeillet, Fauré, Schubert, Dvořák, Doppler og Sigfús Halldórsson. Að þessum tónleikum standa Kópavogskirkja, Kammertríóið og Tónlistarskóli Kópavogs með stuðningi Kópavogsbæjar. Tónleikarnir eru framlag þessara aðila til Kópavogsdaga. Aðgangseyrir er frjáls og eftir tónleikana verður boðið uppá kaffibolla.

Kópavogskirkja tekur þátt í Kópavogsdögum 8.-15. maí n.k. meðal annars með að hýsa samsýningu listakvenna í safnaðarheimilinu Borgum og með tónleikum 12. maí n.k. í Borgum þar sem fram koma Guðrún Birgisdóttir, Marshall Nardau og Peter Maté, sjá nánar á www.kopavogsdagar.is

Í “Máli dagsins” á morgunn sem hefst klukkan 14:30 á samsöng undir stjórn Friðriks Kristinssonar og Lenku Mátéová mun fulltrúi frá Rauða Krossnum í Kópavogi kynna starf sjálfboðaliða í heimsóknarþjónustu.  Stundinn lýkur klukkan 16:00 með helgistund.

Kársnessöfnuður hefur hafið stefnumótunarvinnu undir forystu Gylfa Dalmanns Aðalsteinssonar, dósents í Mannauðsstjórn við Háskóla Íslands.  Hluti sóknarnefndar, nokkrir sjálfboðaliðar í safnaðarstarfinu, sóknarprestur og fulltrúi kórs Kópavogskirkju dvöldu daglangt í Skálholti nýlega við stefnumótunarvinnu ásamt Gylfa.  Meðal annars var rætt um styrkleika, veikleika, ógnanir og tækifæri í safnaðarstarfinu.  Vinnan heldur svo áfram næstu mánuði með þátttöku fleiri aðila sem að safnaðarstarfinu koma.

Spáð og spekúlerað