Kópavogskirkja

Verður í Kópavogskirkju á morgunn þriðjudag 20. apríl klukkan 12:10.  Að lokinni stundinni er boðið upp á léttan hádegisverð í safnaðarheimilinu Borgum (skáhalt á móti Gerðarsafni) gegn vægu verði. Fyrirbænaefni er hægt að senda á netfangið kopavogskirkja@kirkjan.is

Fyrsta bókmenntaguðsþjónustan í Kópavogskirkju var í gær.  Form guðsþjónustunar var hefðbundið að öðru leyti en því að í stað ritningarlestara var lesin kafli úr verkinu Faust af Nínu Dögg Filippusdóttur, leikkonu og Gísla Erni Garðarsyni, leikara og leikstjóra.  Í stað prédikunar fjallaði Gísli Örn um verkið sem byggt er á þjóðsögu sem meðal annars Göthe samdi ljóð um.  Lenka Mátéová, organisti Kópavogskirkju og kór kirkjunnar fluttu svo verk og sálma sem tengjast efni verksins og Þórunn Elín Pétursdóttir söng einsöng.  Gerður var góður rómur af þessari nýbreytni í helgihaldinu og stefnt er að bjóða reglulega upp á guðsþjónustur og messur með þessum hætti í framtíðinni. Tilgangur bókmenntaguðsþjónustu er að fjalla um ákveðin bókmenntaverk og er fyrirmyndin frá Þýskalandi en Akureyrarkirkja hóf þessa nýbreytni í upphafi þessa árs.

Sunnudaginn 18. apríl n.k. klukkan 11:00 mun Gísli Örn Garðarson, leikari og leikstjóri fjalla um “Faust”  í stað prédikunar og Nína Dögg Filippusdóttir, leikari les valda kafla úr verkinu.  Sr. Sigurður Arnarson þjónar fyrir altari.  Kór Kópavogskirkju syngur undir stjórn Lenku Mátóvá.  Sunnudagaskólinn á sama tíma í safnaðarheimilinu Borgum í umsjón Ingu, Sigríðar og Sólveigar.  Aðalsafnaðarfundur Kársnessóknar eftir guðsþjónustu í Borgum.

Ferming verður sunnudaginn 11. apríl klukkan 11:00. Sr. Hjörtur Hjartarson og sr. Sigurður Arnarson.  Kór Kópavogskirkju syngur undir stjórn Lenku Mátéová.

Á þriðjudögum klukkan 12:10 er fyrirbæna- og kyrrðarstund í Kópavogskirkju.  Tekið á móti fyrirbænaefnum á netfangið kopavogskirkja@kirkjan.is.  Léttur hádegisverður í boði á eftir í safnaðarheimilinu Borgum gegn vægu verði.

Hátíðarguðsþjónusta verður í Kópavogskirkju klukkan 08:00 á Páskamorgni.  Sr. Sigurður Arnarson prédikar og þjónar fyrir altari.  Hátíðarsöngvar sr. Bjarna Þorsteinssonar.  Kór Kópavogskirkju syngur undir stjórn Lenku Mátéová. Morgunnmatur í safnaðarheimilinu Borgum (skáhalt á móti Gerðarsafni) á eftir og á sama tíma verður helgistund fyrir börnin í kapellunni.  Á eftir henni er páskaeggjaleit fyrir börnin í nágrenni safnaðarheimilisins.

Guðsþjónusta á Föstudaginn langa klukkan 11:00.  Sr. Sigurður Arnarson, prédikar og þjónar fyrir altari.  Kór Kópavogskirkju syngur undir stjórn Lenku Mátéová.  Einleik á píanó annast Peter Maté.  Einsöng syngur Margrét Helga Guðmundsdóttir.

Tréútskurðarverk í Borgum. Ljósmynd, Aldís Pálsdóttir

1. apríl, Skírdagur. Klukkan 11:00. Ferming. Sr. Sigurður Arnarson, prédikar og þjónar fyrir altari ásamt sr. Hirti Hjartarsyni. Kór Kópavogskirkju syngur undir stjórn Lenku Mátéová.

Lagið er sérstaklega samið af Hafdísi Huld Þrastardóttur fyrir námskeiðið Krakkar í Kópavogskirkju.  Það verður frumflutt af krökkunum á námskeiðinu í Kópavogskirkju miðvikudaginn 31. mars klukkan 18:00 þar sem verður uppskeruhátíð.

Við stiklum yfir steina

á leiðinni upp í Borgir.

Þar má alltaf spjalla

Um bæði gleði og sorgir.

Hér lærum við um trúna

og kynnumst betur Guði.

Skemmtum okkur saman

í rosalegu stuði.

Við erum krakkar í Kópavogi

í kirkjunni okkar er gaman.

Við leikum bæði og biðjum

Og svo syngja allir saman.

Svo hugsum við til þeirra

sem eru kannski veikir.

Því lífið er nú ekki

alltaf bara leikir

Hjálpum þeim sem þurfa

og erum góð við alla.

Í kirkunni okkar alltaf

eitthvað skemmtilegt að bralla.

Ljósmynd, Aldís Pálsdóttir

Um 30 börn á aldrinum 6 og 7 ára sækja nú námskeið sem stendur frá mánudeginum 29. mars til miðvikudagsins 30. mars frá kl. 9-12.  Umsjón með námskeiðinu hafa þær Hafdís Huld Þrastardóttir, tónlistarmaður, Alistair, tónlistarmaður, Inga Harðardóttir, guðfræðinemi ásamt sóknarpresti og aðilum úr sóknarnefnd.  Börnin hafa meðal annars æft lag eftir Hafdísi Huld, farið í ýmsa leiki úti og inni.  Mikil gleði og fjör hefur verið.

Þrautarormur. Ljósmynd, Aldís Pálsdóttir