Kópavogskirkja

Þriðjudaginn 20. desember kl.14:30-16:00 er mál dagsins í safnaðarheimilinu “Borgum”.  Stundin hefst á samsöng undir stjórn þeirra Friðriks Kristinssonar og Lenku Mátéová.  Um kl.15:10 heldur Rannveig Löve, erindi.  Stundinni lýkur með stuttri helgistund rétt fyrir kl.16:00.

Kammerhópurinn Camerarctica heldur sína árlegu kertaljósatónleika í kirkjum nú rétt fyrir jólin og verða tónleikarnir í Kópavogskirkju, þriðjudagskvöldið 20.desember kl.21.00.  Hópurinn hefur leikið ljúfa tónlist eftir Mozart við kertaljós í átján ár og þykir mörgum ómissandi að koma úr miðri jólaösinni inn í kyrrðina og kertaljósin í rökkrinu.
Leikinn verða tvær af perlum Mozarts, óbókvatettinn og flautukvartett í D-dúr. Einnig hljómar á tónleikunum kvintett eftir J.C.Bach fyrir flautu, óbó og strengi.  Að venju lýkur tónleikunum á því að Camerarctica leikur jólasálminn góða ” Í dag er glatt í döprum hjörtum”  úr Töfraflautunni eftir Mozart. Hópinn skipa að þessu sinni þau Hallfríður Ólafsdóttir flautuleikari, Hildigunnur Halldórsdóttir  fiðluleikari, Guðrún Þórarinsdóttir  víóluleikari og Sigurður Halldórsson sellóleikari en gestur á tónleikunum er Daði Kolbeinsson óbóleikari. Tónleikarnir verða sem hér segir: í Hafnarfjarðarkirkju, mánudagskvöldið 19. desember, í Kópavogskirkju,  þriðjudagskvöldið 20.desember,  í Garðakirkju,  miðvikudagskvöldið 21. desember og loks í Dómkirkjunni í Reykjavík,  fimmtudagskvöldið 22. desember. Tónleikarnir eru klukkustundarlangir og hefjast þeir allir klukkan 21.00.  Aðgangseyrir er kr. 2500 og kr. 1500 fyrir nemendur og eldri borgara.. Frítt er inn fyrir börn.  Miðasala við innganginn.

18. desember, kl. 11:00.  Fjórði sunnudagur í aðventu

Guðsþjónusta og sunnudagaskóli. Dr. Sigurjón Árni Eyjólfsson, héraðsprestur, prédikar og þjónar fyrir altari.

24. desember, kl. 15:00. Aðfangadagur

Aðfangadagur. “Beðið eftir jólunum”. Helgistund barnanna með tónlistarívafi.

24. desember, kl. 18:00. Aðfangadagur

Aftansöngur. Sr. Sigurður Arnarson prédikar og þjónar fyrir altari. Fyrir aftansöng eru fluttir hátíðartónar. Hátíðarsöngvar sr. Bjarna Þorsteinssonar sungnir.

25. desember, kl. 14:00. Jóladagur

Hátíðarguðsþjónusta. Ásta Ágústdóttir, þjónar fyrir altari og sr. Sigurður Arnarson, prédikar. Hátíðarsöngvar sr. Bjarna Þorsteinssonar sungnir.

25. desember, kl. 15:15. Jóladagur

Hátíðarguðsþjónusta í Sunnuhlíð. Sr. Sigurður Arnarson prédikar. Félagar úr kór Kópavogskirkju syngja undir stjórn Lenku Mátéóvá.

26. desember kl. 14:00.  Annar jóladagur

Barna- og fjölskyldustund. Dr. Sigurjón Árni Eyjólfsson, héraðsprestur, prédikar og þjónar fyrir altari.

31. desember kl. 17:30. Gamlársdagur

Tónleikar, „Vocal Project“.

31. desember kl. 18:00. Gamlársdagur

Hátíðarguðsþjónusta. Sr. Sigurður Arnarson prédikar og þjónar fyrir altari. „Vocal Project“ syngur undir stjórn Matthíasar Baldurssonar.

1. janúar kl. 14:00. Nýjársdagur

Hátíðarguðsþjónusta. Rósa Björg Þorbjarnardóttir prédikar og sr. Sigurður Arnarson þjónar fyrir altari. Hátíðarsöngvar sr. Bjarna Þorsteinssonar sungnir.

Kór Kópavogskirkju syngur í öllum guðsþjónustum og messum nema að annað sé tekið fram. Kantor Kópavogskirkju er Lenka Mátéóvá.

Guðsþjónustan hefst kl. 11:00.  Dr. Sigurjón Árni Eyjólfsson, héraðsprestur prédikar og þjónar fyrir altari.  Kór Kópavogskirkju syngur undir stjórn Lenku Mátéová.  Sunnudagaskólinn hefst í kirkjunni og heldur síðan áfram í safnaðarheimilinu “Borgum”.  Skólinn verður í umsjón Sólveigar Aradóttur og Þóru Marteinsdóttur.

Barna- og fjölskylduguðsþjónusta 11. desember n.k. kl.11:00.  Börn úr leiksskólanum Kópasteini flytja helgileik.  Sunnudagaskólinn í kirkjunni í umsjón Þóru Marteinsdóttur og Sigurðar Arnarsonar.  Allir velkomnir.

Aðventutónleikar Kórs Kópavogskirkju verða miðvikudagskvöldið 7. desember n.k. í safnaðarheimilinu “Borgum” og hefjast kl.20:00.  Kórinn flytur aðventulög víða að undir stjórn Lenku Mátóvá, kantors.  Inga Harðardóttir, guðfræðingur flytur hugleiðingu.  Engin aðgangseyrir og allir velkomnir.

Þriðjudaginn 6. desember n.k. hefst mál dagsins að venju klukkan 14:30.  Stundin hefst á samsöng undir stjórn Lenku Mátéová og Friðriks Kristinssonar.  Um klukkan 15:05 mun Helgi Seljan halda erindi.  Á eftir því er boðið upp á kaffiveitingar.  Stundinni lýkur kl. 16:00.

4. desember n.k. kl.11:00.  Barna- og fjölskylduguðsþjónusta í Kópavogskirkju.  Skólakór Kársnes syngur undir stjórn Þórunnar Björnsdóttur.  Sunnudagaskólinn í kirkjunni í umsjón Þóru Marteinsdóttur og Sigurðar Arnarsonar.  Jólaball á eftir í safnaðarheimilinu “Borgum”.  Gengið í kringum jólatré og heyrst hefur að jólasveinn muni heiðra ballið með nærveru sinni og gefa góðgæti í poka.  Allir velkomnir.

27. nóvember, kl. 11:00.  Ásta Ágústsdóttir sett inn í embætti djákna við Kópavogskirkju af sr. Gísla Jónassyni, prófasti Reykjavíkurprófastsdæmis Eystra. Ásta prédikar og sr. Sigurður Arnarson þjónar fyrir altari. Kór Kópavogskirkju syngur undir stjórn Lenku Matéová.  Á eftir messu er móttaka í safnaðarheimilinu “Borgum” til heiðurs Ástu.  Allir hvattir til að koma og samfagna nýjum djákna.

27. nóvember, kl.11:00.  Í stað sunnudagaskólans verður leikritið “Jólarósir Snuðru og Tuðru” sýnt í safnaðarheimilinu Borgum.  Leiksýningin tekur 45 í sýningu og aðgangseyrir er enginn.  Að sjálfsögðu eru allir velkomnir.

27. nóvember, kl.13:00.  Opnun sýningar á íkonum eftir serbneska listamanninn Danilo Ivanovic.  Kór Kópavogskirkju syngur undir stjórn Lenku Mátóvá.  Allir velkomnir.

Það verður nóg um að vera fyrsta sunnudag í aðventu í Þjóðkirkjusöfnuðum Kópavogs þann 27. nóvember n.k. Aðventuhátíð fjölskyldunnar  verður í Hjallakirkju kl. 13 og síðan verða aðventukvöld í Digraneskirkju og Lindakirkju.

Í Digraneskirkju verður aðventuhátíð kl. 20 með kór Digraneskirkju. Um er að ræða tónleika með einsöng og fjölbreyttum tónlistaratriðum. Hugleiðingu flytur sr. Magnús Björn Björnsson. Að hátíð lokinni verður kaffisala í safnaðarsal kirkjunnar til styrktar Hjálparstarfi kirkjunnar. Veitingarnar eru í boði Digranessafnaðar og Reynisbakarí.r

Í Lindakirkju verða aðventutónleikar kl. 20. Kór Lindakirkju syngur undir stjórn Óskars Einarssonar. Fjöldi einsöngvara kemur fram. Sérstakur gestur tónleikanna er Gréta Salóme Stefánsdóttir, fiðluleikari. Flutt verður hugleiðing og lesnir ritningarlestrar. Lesarar eru Bernharður Guðmundsson og Hanna Sóley Helgadóttir. Ókeypis er inn á tónleikana en tekin verða samskot til innanlandsaðstoðar Hjálparstarfs kirkjunnar.