Hljómsveitin SOS eða Stúlkan og strákarnir flytja tónlist hljómsveitarinnar U2 ásamt Kór Kópavogskirkju þann 30. okt nk. Kl. 20.00.
Stjórnandi Kórs Kópavogskirkju er Lenka Mátéová, kantor Kópavogskirkju. Sr. Sigurður Arnarson þjónar fyrir altari og flytur hugleiðingu. Guðsþjónustan verður með óhefðbundnu sniði.
Hljómsveitina SOS skipa þau: Helgi Már Hannesson á píanó, Ólafur Steinarsson á bassa, John Hansen á gítar, Guðlaugur Þorleifsson á trommur, Kristín Stefánsdóttir er söngkona hljómsveitarinnar. Arnar Dór Hannesson verður gestasöngvari með hljómsveitinni þetta kvöld.
Þess má til gamans geta að flestir meðlimir þessa tónlistarviðburðar eru Kópavogsbúar eða tengdir Kópavogi á einn eða annan hátt.
Sigurður Arnarson, 22/10 2011
Sr. Sigurður Arnarson prédikar og þjónar fyrir altari. Sigríður Ásta Olgeirsdóttir og Sólveig Ásta Sigurðardóttir nemendur við Söngskólann í Reykjavík syngja. Kór Kópavogskirkju syngur undir stjórn Lenku Mátéová kantors kirkjunnar. Sunnudagaskólinn hefst í kirkjunni og heldur í safnaðarheimilið Borgir að loknum ritningarlestri. Umsjón með sunnudagaskólanum hafa Þóra Marteinsdóttir og Sólveig Aradóttir.
Ásta Ágústsdóttir, 20/10 2011
Dr. Sigurjón Árni Eyjólfsson prédikar og þjónar fyrir altari. Kór Kópavogskirkju syngur undir stjórn Lenku Mátéová kantors kirkjunnar. Sunnudagaskólinn hefst í kirkjunni, en heldur eftir ritningarlestra í safnaðarheimilið Borgir þar sem fram verður haldið. Umsjónarmenn sunnudagaskólans eru Þóra Marteinsdóttir og Sólveig Aradóttir.
Ásta Ágústsdóttir, 13/10 2011
Athugið að námskeiðið fellur niður í kvöld 6.október, vegna veikinda.
Ásta Ágústsdóttir, 6/10 2011
Guðsþjónusta verður 9. október í Kópavogskirkju kl.11:00. Kór Kópavogskirkju syngur. Sr. Sigurður Arnarson, prédikar og þjónar fyrir altari. Sunnudagaskólinn hefst að venju í kirkjunni.
Sigurður Arnarson, 5/10 2011
Starf fyrir börn í 4-5 bekk er á fimmtudögum frá kl. 15:00-16:00 í safnaðarheimilnu Borgum. Starfið annast Sólveíg Aradóttir og Jón Helgi Hólmgeirsson.
Sigurður Arnarson, 3/10 2011
Næsta mál dagsins verður þriðjudaginn 4. október kl.14:30-16:00. Stundin hefst að venju með samsöng undir stjórn Lenku Mátéová, kantors og Friðriks Kristinssonar, stjórnanda Karlakórs Reykjavíkur. Að samsöng loknum mun Guðrún Gunnarsdóttir, þáttagerðarstjórnandi “Samfélagsins í nærmynd” segja frá störfum sínum. Stundinni lýkur með stuttri helgistund.
Sigurður Arnarson, 3/10 2011
Ertu í atvinnuleit, viltu fá aðstoð…….þér er boðið á námskeið……..
,,Hér stend ég“
Námskeið fyrir atvinnuleitendur 18-29 ára
Tækifæri til að byggja sig upp, kynnast öðrum, finna og nýta hæfileika sína.
Staður: Safnaðarheimili Breiðholtskirkju
Dagsetn.: 11.október – 24. nóvember 2011
Tími: Þriðjudaga og fimmtudaga kl.10,00 – 13,00
Nánari upplýsingar og skráning: herstendeg@gmail.com
og í síma 893-1929.
Ásta Ágústsdóttir, 30/9 2011
Barna- og fjölskylduguðsþjónusta verður klukkan 11.00. Sr. Sigurður Arnarson prédikar og þjónar fyrir altari. Skólakór Kársnes syngur undir stjórn Þórunnar Björnsdóttur. Sunnudagaskólinn verður í kirkjunni.
Ásta Ágústsdóttir, 29/9 2011
Emmaus-námskeið í Breiðholtskirkju
Nærandi námskeið um lífið og trúna
frá 4. október til 15. nóvember
Þriðjudaginn 4. október næstkomandi hefst svokallaða Emmaus-námskeið í Breiðholtskirkju.
Emmaus námskeiðið er fyrir öll þau sem áhuga hafa á kristindómnum og/eða vilja dýpka skilning sinn á kristinni trú. Á námskeiðinu er fjallað um ýmsa grundvallarþætti kristinnar trúar og leitast við að ræða af opnum huga það sem hún boðar. Lögð er áhersla á umræður og vangaveltur þátttakenda og íhugað á hvaða hátt trúin tengist okkar daglega lífi.
Námskeiðið verður á þriðjudagskvöldum frá kl. 18:30 til 20:30. Byrjað er með sameiginlegri hressingu og síðan er fræðsla og umræður. Kvöldinu lýkur með bæn og íhugun.
Leiðbeinendur á námskeiðinu eru sr. Bryndís Malla Elídóttir og sr. Petrína Mjöll Jóhannesdóttir.
Af hverju Emmaus?
Nafnið á námskeiðinu á rætur sínar að rekja til þorpsins Emmaus sem sagt er frá í Lúkasarguðspjalli. Lærisveinar Jesú voru á ferð til Emmaus eftir páskana og ræddu sín á milli það sem gerst hafði. Þeir voru hugsandi eftir nýliðna atburði og höfðu um margt að ræða. Sjálfur Jesús slóst í för með þeim á göngunni en þeir áttuðu sig ekki á því í fyrstu hver hann væri.
Námskeiðið er í 6 skipti á þriðjudagskvöldum frá kl. 18:30 -20.30 og er þátttakendum að kostnaðalausu.
Skráning á námskeiðið fer fram í Breiðholtskirkju í síma 587 1500 eða með því að senda póst á netfangið: breidholtskirkja@kirkjan.is.
Ásta Ágústsdóttir, 27/9 2011
Hljómsveitin SOS eða Stúlkan og strákarnir flytja tónlist hljómsveitarinnar U2 ásamt Kór Kópavogskirkju þann 30. okt nk. Kl. 20.00.
