Kópavogskirkja

Mál dagsins hefst aftur þriðjudaginn 6. september og er vikulega frá klukkan 14:30-16:00 í stóra salnum í safnaðarheimilinu Borgum. Stundin hefst á samsöng, sem Lenka Mátéová og Friðrik Kristinsson, stjórnandi Karlakórs Reykjavíkur hafa umsjón með. Um klukkan 15:10 er flutt stutt erindi. Reglulega flytja félagar úr “Máli dagsins” erindi eða gestir koma í heimsókn. Meðal annars heimsóttu eftirtaldir aðilar starfið síðasta vetur: Ólafur Kjartan Sigurðsson, óperusöngvari og flutti hann erindi um óperuna “Rigoletto” og söng nokkur lög, Gunnar Eyjólfsson. leikari sagði frá æviminningum sínum, Sveinn Einarsson flutti erindi, dr. Ágúst Valfells flutti erindi um kjarnorku, Auðunn Atlason talaði um Evrópumál, Runólfur Þórðarson sagði frá Franz List, Svava Bernharðsdóttir og Rannveig Sigurbjörnsdóttir sögðu frá Afríku, Kristjana Jónsdóttir sagði frá Ólöfu, dverg, Gyða Arnórsdóttir las úr minningarbrotum sr. Bjarna Þorsteinssonar, Rannveig Löwe sagði frá endurminningum sínum, Ljóðahópur Gjábakka las nokkur ljóð, Sólrún Halldórsdóttir talaði um myndlistina, Ásgeir Jóhannsson, sagði frá Kópavogsskáldi, Sigurður Skúlason las úr völdum verkum, Sýning verka Barböru Árnason skoðuð í Gerðarsafni, Bjarki Sveinbjörnsson sagði frá Tónlistarsafni Íslands, Örn Arnarson fjallaði um trú í textum Matthíasar Jochumssonar, Kristín Arnþórsdóttir fjallaði um merka staði á Kársnesinu, dr. Sigurjón Árni Eyjgólfsson, fjallaði um Pál Postula, dr. Magnús Þorkell Bernharðsson fjallaði um Islam og dr. Karl Sigurbjörnsson flutti erindi “Vegi Guðs og manna” og áfram mætti lengi telja.

Um kl. 15:30 er drukkið kaffi og rétt fyrir klukkan 16:00 er stutt helgistund. Umsjón með starfinu hafa þau: Ásgeir Jóhannsson, Sigríður Pálsdóttir, Pálína Magnúsdóttir og sr. Sigurður Arnarson

Næstkomandi sunnudag 4. september hefst sunnudagskólinn aftur eftir sumarfrí.  Líkt og í fyrra hefst skólinn í Kópavogskirkju með barna- og fjölskylduguðsþjónustu í umsjón sr. Sigurðar Arnarson og Þóru Marteinsdóttur. Undirleik annast Lenka Mátéová.  Áhersla er lögð á gleði og innhaldsríkt samfélag og auðvitað eru allir velkomnir.

Morgnarnir eru í safnaðarheimilinu Borgum (skáhalt gengt Gerðarsafni) á hverjum fimmtudegi frá kl.10:00-12:00.  Umsjón með starfinu hefur Inga Harðardóttir og henni til halds og trausts er Hrefna Sigurgeirsdóttir. Morgnarnir eru ætlaðir foreldrum með ung börn og lýkur morgnunum með söngstund.

Kynning á Alfanámskeiði verður fimmtudaginn 15. sept. kl. 20 í Digraneskirkju. Næsta námskeið hefst fimmtudaginn 29. sept. kl. 19. Á Alfa er farið í ýmsar mikilvægar spurningar og þær skoðaðar og ræddar. Skráning er hér.  Sjá nánar: http://www.digraneskirkja.is/starfid/alfa/

Boðið verður upp á Tólf spora hópastarf í Hjallakirkju í vetur. Hér er um að ræða áhrifaríka og góða leið til að bæta sjálfan sig og samskipti við aðra. Sporin tólf sem margir þekkja úr AA-starfinu eru notuð á þessu andlega ferðalagi sjálfskoðunar og endurhæfingar. Þetta námskeið er hins vegar ekki bundið því að fólk þekki sporin, þangað eru allir velkomnir hver sem bakgrunnur þeirra er.Farið verður yfir kynningarefnið á fjórum fundum sem verða  kl. 20 á miðvikudögum og verður fyrsti fundur haustið 2011 þann 21. september í Hjallakirkju. Á þessum fyrstu fundum er kynnt hvernig hvernig unnið er í Tólf sporunum eftir bókinni Tólf sporin – Andlegt ferðalag, og gefst fólki kostur á að átta sig á hvort þessi vinna hentar því og hvort það vilji vera með á ferðalaginu. Á fjórða fundi er ákvörðun tekin og eftir það verður hópunum lokað. Unnið er í litlum hópum. Efnið er lesið heima, spurningum svarað og síðan deilir hópurinn með sér niðurstöðunum. Lögð er áhersla á nafnleynd og trúnað. Enginn þarf að skilgreina sig fyrirfram, þ.e. enginn þarf að hafa nein skilgreind vandamál, fíkn eða slíkt heldur aðeins að langa til að auka lífsgæði sín á félagslega og tilfinningalega sviðinu.

Til frekari glöggvunar er hægt að kíkja á nánara lesefni á lesefnið Algengt hegðunarmynstur hér til hliðar. Þá minnum við á heimasíðu tólf spora námskeiðanna: www.viniribata.is.

Vertu velkomin(n) á sporafund.

Sr. Sigurður Arnarson prédikar og þjónar fyrir altari.  Kór Kópavogskirkju syngur undir stjórn Lenku Mátéová kantors kirkjunnar.  Athugið að sumartíma á messum og guðsþjónustum er lokið og eru þær nú klukkan 11.00.

Sr. Guðni Már Harðarson, prédikar og þjónar fyrir altari. Ath. breyttan messutíma.

Sumarnámskeið í fermingarfræðslu hefst mánudaginn 15. ágúst næstkomandi frá klukkan 10:00-16:00 til og með fimmtudagsins 18. ágúst og verður í safnaðarheimilinu Borgum (skáhalt gengt Gerðarsafni).  Þau sem sækja námskeiðið eru beðin um að skrá sig áður en námskeiðið hefst (skráningarform undir liðnum “Fermingar 2012″). Koma skal með; “Bókina um Jesú”, A4 línustrikaða vinnubók, Nýja Testamenntið, “Kirkjulykilinn”, skriffæri  fyrir fræðsluna og nesti fyrir nestistíma og hádegi. “Bókin um Jesú” og “Kirkjulykilinn” fást meðal annars í Bókabúðinni í Hamraborg.  Mikilvægt er að öll forföll séu tilkynnt við fyrsta tækifæri. Fimmtudaginn 18. ágúst klukkan 15:00 munu þátttakendur kynna fyrir fjölskyldum sínum í kirkjunni það sem þau hafa upplifað og lært á námskeiðinu.  Hópurinn er sækir svo mánaðarlega fermingarfræðslu í september, október, nóvember, desember, janúar, febrúar og mars n.k. Nánari upplýsingar (kopavogskirkja@kirkjan.is)

Kyrrðar- og bænastundir verða í kirkjunni alla þriðjudaga í sumar og hefjast þær klukkan 12.10.

Vegna sumarleyfa starfsfólks verður skrifstofa Kópavogskirkju, í safnaðarheimilinu lokuð í júlí.  Viðvera verður í kirkjunni milli klukkan 10.30 og 13.00 alla virka daga símanúmer kirkjunnar er 554 1898.