Kópavogskirkja

Hádegisbænir og kyrrðarstundir eru í Kópavogskirkju á þriðjudögum klukkan 12:10.  Hægt er að koma fyrirbænaefnum með því að hringja á skrifstofu safnaðarins eða með því að senda tölvupóst á netfangið kopavogskirkja@kirkjan.is

Að lokinni stundinni er boðið upp á léttan hádegisverð í “Safnaðarheimilinu Borgum” gegn vægu verði.

Næsta “Mál dagsins” er þriðjudaginn 27. september í Safnaðarheimilinu Borgum frá kl.14:30-16:00.  Starfið hefst með samsöng undir stjórn Friðriks Kristinssonar, kórstjóra og Lenku Matéová, kantors Kópavogskirkju. Klukkan 15:10-15:30 er flutt stutt erindi og síðan er kaffi og með því.  Stundinni lýkur með stuttri helgistund rétt fyrir klukkan 16:00.

Boðið er upp á kirkjustarf á mánudögum í Safnaðarheimilinu Borgum frá kl.15:30-16:30 fyrir börn í 1-3 bekk. Starfið annast þau Sólveig og Jón Helgi.  Þau sem vilja láta ná í börn sín í Dægradvöl þurfa að hafa samband þangað og senda tölvupóst á netfangið kopavogskirkja@kirkjan.is

 

Þriðjudaginn 20.september  hélt yfir 40 manna hress hópur af stað í haustferð sóknarinnar.  Ferðinni var heitið um Kjós og Hvalfjörð.  Við nutum dyggrar leiðsagnar Hólmfríðar Gísladóttur fararstjóra sem óhætt er að segja að þekki nær hverja þúfu á þessari leið.  Hún var óþrjótandi viskubrunnur hvort heldur sem var um jarðfræði, fornsögur eða núverandi ábúendur á þessari leið og einstaklega áheyrileg.

Eftir að hafa ekið og skoðað okkur um við Meðalfellsvatn var fyrsti áningarstaður okkar á Reynivöllum í Kjós og tók sr. Gunnar Kristjánsson á móti okkur og sagði okkur sögu kirkjunnar þar.  Það var einstaklega ánægjulegt að sjá hversu vel kirkjunni hefur verið haldið við og gaman að heyra sögu hennar.  Eftir að hafa skoðað okkur um og fræðst um Reynivelli í Kjós var haldið í Hvalfjörðinn. 

Á Bjarteyjarsandi í Hvalfirði var snæddur hádegisverður þar reyddu þær Arnheiður og Kolbrún fram dýrindis gúllassúpu fyrir svanga ferðalanga og buðu svo upp á kaffi og smákökur á eftir.  Á Bjarteyjarsandi sagði Arnheiður okkur frá búskap hennar fjölskyldu og eins sagði hún okkur skemmtilegar sögur úr Hvalfjarðarsveit.

Saddir og sælir ferðalangar héldu því næst í Vatnaskóg þar sem Ársæll Aðalbergsson framkvæmdastjóri tók á móti okkur og flutti mál dagsins sem var að þessu sinni umfjöllun um sr. Friðrik Friðriksson einn af stofnendum KFUM og K.  Ársæll sagði okkur einnig frá sögu staðarins og uppbyggingunni sem þar hefur verið allt frá upphafi eða 1939.  Eftir erindi Ársæls var gengið í litlu kapelluna sem þar er og fengum við fræðslu um hana, að lokum var stutt bænastund í umsjá þeirra Ársæls og sr. Sigurðar.  Eftir að hafa gætt okkur á veislukaffi hjá húsráðendum í Vatnaskógi notuðu nokkrir tækifærið og brugðu sér á bát út á vatnið. 

 Við vorum einstaklega heppin með veður þennan dag sólin skein með köflum og bjart yfir landi og ferðamönnum.  Það voru ánægðir ferðalangar sem renndu í hlað við safnaðarheimilið um klukkan 18.00 þennan dag.

Tónlistarmessa verður klukkan 11.00.  Sr. Sigurður Arnarson prédikar og þjónar fyrir altari.  Kór Kópavogskirkju, undir stjórn Lenku Mátéová kantors kirkjunnar, flytur nýja sálma sem kynntir voru á sálmafossum í Hallgrímskirkju í ágúst s.l.  Sunnudagaskólinn hefst að venju í kirkjunni og flyst síðan í safnaðarheimilið Borgir að loknum ritningarlestrum.  Umsjón með sunnudagaskólanum hafa þær Þóra Marteinsdóttir og Sólveig Aradóttir.

Kirkjustarf fyrir 1-3 bekk er næstkomandi mánudag 19. september kl. 15:30-16:30 í safnaðarheimilinu Borgum.

Guðsþjónusta klukkan 11:00 og sunnudagaskólinn hefst þá en flyst svo eftir upphaf guðsþjónustunnar í safnaðarheimilið Borgir.

Þriðjudaginn 20. september verður Mál dagsins á faraldsfæti.  Ætlunin er að fara frá safnaðarheimilinu Borgum klukkan 10:15 og halda á Reynivelli í Kjós þar sem tekið verður á móti okkur.  Um hádegisbil verður stoppað á Bjarteyjarsandi og hádegisverður snæddur.  Við förum því næst í Vatnaskóg þar sem við hlýðum á erindi um sr.Friðrik Friðriksson og drekkum síðdegiskaffi.  Áætluð heimkoma er um klukkan 17:00.  Mæting er í safnaðarheimilið Borgir klukkan 10:00 og kostar ferðin 2.000 krónur.  Hægt er að skrá sig í ferðina í síma 554 1898 eða með tölvupósti á netfangið kopavogskirkja@kirkjan.is .

Næsta “mál dagsins” er í safnaðarheimilinu Borgum þriðjudaginn 13. september kl.14:30-16:00.  Stundin hefst með samsöng í umsjón Friðriks Kristinssonar, kórstjóra Karlakórs Reykjavíkur og Lenku Mátéová, kantors Kópavogskirkju.  Síðan verður drukkið kaffi og um kl.15:30 mun Benedikt Gunnarsson, listmálari fjalla um nokkur verk sín.

Hefst mánudaginn 12. september kl. 15:30-16:30 í Safnaðarheimilinu Borgum.  Fræðandi og skemmtilegt starf í umsjón Sólveigar Aradóttur, Ingu Harðardóttur og Guðjónss Jónssonar.  Börnin eru sótt í Dægradvöl Kárnsnesskóla ef óskað er eftir því (með því að senda tölvupóst á netfangið kopavogskirkja@kirkjan.is) og það þarf líka að láta Dægradvölina vita af því.