Safnaðarstarf
Kórstarf
Kór Kópavogskirkju hefur starfað undir stjórn Lenku Mátéovu frá hausti 2007.
Kórin telur 30 félaga. Skiptingin milli radda er í góðu jafnvægi og er það mjög ánægjulegt og gefandi fyrir bæði kórstjóra og kórfélaga að vinna í svo vel skipuðum hópi.Meðal kórfélaga er að finna bæði menntaða söngvara og vel þjálfada áhugamenn .
Kórinn æfir að jafnaði einu sinni í viku, á miðvikudögum frá kl.19.30 – 22.00 frá mánaðarmótum ágúst-september og út maí ár hvert. Á þessum æfingum er ýmist allur kórinn mættur eða tímanum skipt milli radda. Þegar mikið stendur til, er bætt við æfingum á laugardögum.
Aðalstarf kórsins er að syngja við messur og guðsþjónustur og er kórnum skipt í hópa sem syngja til skiptis á sunnudögum.
Tónlistarmessur verða einnusinni á mánuði og þá er sérstök áhersla lögð á tónlistarflutning, kór kirkjunnar kynnir nýja sálma og flyttur t.a.m. stærri verk.
Reglulega syngur kórinn tvenna tónleika á ári.
Allar nánari upplýsingar má fá hjá söngstjóra í GSM 864-6627 eða með tölvupósti lenkam@internet.is
Mál dagsins
Samverur eru í safnaðarheimilinu alla þriðjudaga kl. 14:30 - 16:00. Friðrik S. Kristinsson, stjórnandi Karlakórs Reykjavíkur og Lenka Mátéová, kantor leiða söng. Um 15;10 er flutt mál dagsins og lýkur þeirri umfjöllun um 15;30. Síðan er drukkið kaffi og stutt helgistund.
Sunnudagaskólinn
Sunnudagaskólinn hefst í Kópavogskirkju kl. 11:00 og eftir ritningarlestrana í guðsþjónustunni eða messunni fara börnin ásamt foreldrum sínum í sunnudagaskólann sem er í safnaðarheimilinu Borgum. Umsjón með barnastarfinu hafa þær Þóra Marteinsdóttir, Inga Harðardóttir og Sólveig Aradóttir.
Bæna- og kyrrðarstundir
Á þriðjudögum kl. 12:10 er bæna- og kyrrðarstund í kirkjunni. Þar er lögð áhersla á fyrirbæn og kyrrð og viðeigandi orgeltónlist leikin. Fyrir-bænaefnum má koma til sóknarprests eða kirkjuvarðar á opnunartímum kirkjunnar.
Eftirfylgd við fólk í erfiðum aðstæðum
Kópavogskirkja býður þeim sem eru í erfiðum aðstæðum að taka þátt í verkefni sem auðveldar þeim að komast í gegnum sorg vegna missis. Missir getur verið af ýmsu tagi, heilsubrestur, atvinnumissir, ástvinur sem deyr eða aðrir erfiðleikar sem bjáta á. Þessi þjónusta er að sjálfsögðu að kostnaðarlausu eins og öll sálgæsla kirkjunnar. Allar upplýsingar fást hjá sóknarpresti og djákna kirkjunnar.
Krakkar í 1.- 3.bekk
Starf er með 6-8 ára börnum í safnaðarheimilinu Borgum. Þar er lögð áhersla á skemmtilegt og fræðandi kristilegt starf. Starfið er á mánudögum frá klukkan 15:30-16:30. Umsjón með því hafa Sólveig Aradóttir og Jón Helgi Hólmgeirsson.
Krakkar í 4 - 5.bekk
Starfið fer fram í safnaðarheimilinu Borgum á miðvikudögum frá klukkan 16:00-17:00. Áhersla er lögð á skemmtilegt og fræðandi kristilegt starf og umsjón með starfinu hafa Sólveig Aradóttir og Jón Helgi Hólmgerisson.
