Mál dagsins verður 27. október n.k. kl. 14:30 og hefst með samsöng undir stjórn: Lenku Mátéová og Friðriks Kristinssonar. Um kl. 15:10 heldur Margrét Valdimarsdóttir, formaður Heimilisiðnaðarfélags Íslands erindi. Klukkan 15:30 er drukkið kaffi. Stundinni lýkur kl. 16:00 með bæn.
Allir hjartanlega velkomnir.
Sunnudaginn 1. nóvember n.k. verður guðsþjónusta á “Allra heilagra messu” í Kópavogskirkju kl. 11:00. Þá er þeirra sérstaklega minnst, sem eru látnir.
Beðið verður með nafni fyrir þeim, sem sóknarprestur Kópavogskirkju hefur jarðsungið á tímabilinu 20. október 2014- til 20. október 2015 og aðstandendum þeirra er boðið sérstaklega til guðsþjónustunnar.
Ásta Ágústsdóttir, djákni mun prédika og sóknarprestur þjóna fyrir altari. Kór Kópavogskirkju syngur undir stjórn Lenku Mátéová. Sunnudagskólinn hefst að venju í kirkjunni á sama tíma en flytur sig síðan í safnaðarheimilið Borgir. Flutt verður tónlist í kirkjunni frá kl. 10:30 og þá gefst kostur að tendra á bænaljósi við altari. Eftir guðsþjónustu verður boðið upp á hressingu í safnaðarheimilinu Borgum. Sr. Sigurður Arnarson flytur stutt erindi um sorg og sorgarviðbrögð.
Allir eru hjartanlega velkomnir.
Þessa dagana er unnið við að háþrýstiþvo Kópavogskirkju, síðan verður gert við sprungur og kirkjan máluð að utan þegar veður leyfir.
Meðylgjandi myndir voru teknar úr körfu, sem notuð er við þvottinn og sýna framkvæmdirnar og umhverfi kirkjunnar.
Þriðjudaginn 20. október heimsótti Svali Björgvinsson, framkvæmdastjóri starfsmannasviðs Icelandair, félaga í “Máli dagsins” í safnaðarheimilinu Borgum. Ræddi Svali meðal annars um umfang flugs og þær öru breytingar sem hafa orðið í flugi til og frá landinu.
Meðfylgjandi myndir voru teknar við þetta tækifæri, meðal annars mynd af Svala og nokkrum félögum úr “Máli dagsins”, þeim: Bryndísi, Maríu, Ástu, Auði og Margréti en þær og/eða ættingjar og afkomendur hafa starfað eða starfa hjá Icelandair og eða fyrirrennurum fyrirtækisins.
Næsta guðsþjónusta verður 25. október n.k. kl.11:00 í Kópavogskirkju. Sr. Sigurður Arnarson prédikar og þjónar fyrir altari. Kór Kópavogskirkju syngur undir stjórn Lenku Mátéová. Sunnudagaskólinn hefst að venju í kirkjunni en flyst síðan í safnaðarheimilið Borgir en skólann munu annast: Bjarmi Hreinsson og Þóra Marteinsdóttir.
Allir velkomnir.
Að venju hefst “Mál dagsins” þann 20. október kl. 14:30 með samsöng undir stjórn Lenku Mátéová og Friðriks Kristinssonar. Um kl.15:10 flytur Svali Hrannar Björgvinsson, framkvæmdastjóri starfsmannasviðs Icelandair erindi um stöðuna í ferðamálum. Klukkan 15:30 verður drukkið kaffi. Starfinu lýkur kl. 16:00 með stuttri bænastund.
Þann 15. október hófst vinna við að háþrýstiþvo Kópavogskirkju að utan til að undirbúa fyrir málningu en unnið er að viðgerðum á kirkjunni. Þegar eru hafnar viðgerðir á gluggum í bogum.
Myndirnar voru teknar við upphaf verksins.
Þriðjudaginn 13. október síðastliðinn heimsótti Gísli Örn Garðarson, leikstjóri “Mál dagsins” í safnaðarheimili Kópavogskirkju og sagði frá sýningu Vesturports í Þjóðleikhúsinu “Úr heimi Hróa Hattar” og í fleiri löndum.
Sagði Gísli Örn meðal annars frá því hvernig hann nálgaðist umfjöllunarefnið og hverjar helstu áherslur væru varðandi sýninguna. Settist Gísli Örn svo niður og fékk sér kaffi með nokkrum félögum úr starfinu.
Helga Jörgensdóttir sendi okkur í dag þessa skemmtilegu mynd sem hún tók af Kópavogskirkju fyrr í dag.
uðsþjónusta verður 18. október n.k. kl. 11:00 í Kópavogskirkju. Dr. Sigurjón Árni Eyjólfsson, héraðsprestur prédikar og þjónar fyrir altari. Kór Kópavogskirkju syngur undir stjórn Lenku Mátéová. Sunnudagaskólinn hefst kl. 11:00 í kirkjunni en flyst svo í safnaðarheimilið Borgir.
„Dag í senn“ – messa 17. nóvember 2024nóvember 12, 2024 - 3:33 e.h.
Barna og fjölskylduguðsþjónusta 10/11/24nóvember 6, 2024 - 11:04 f.h.
Guðsþjónusta 3. nóvember kl. 11:00 í Kópavogskirkjuoktóber 30, 2024 - 9:50 f.h.
Messa & sunnudagaskóli 27/10/24október 24, 2024 - 12:42 e.h.
Guðsþjónusta 20/10/24október 19, 2024 - 12:43 e.h.