Archive for year: 2015

Vegna sumarleyfa er skrifstofa Kársnessóknar  lokuð frá 8. júlí til og með 14. ágúst. Fylgst verður náið með símsvara kirkjunnar í síma 554 1898.

Hægt er að ná sambandi við kirkjuvörð í  síma  898 8480 virka daga milli kl 9.00 og 15.00. Kirkjuvörður gefur upplýsingar varðandi leigu á safnaðarsal og bókun á kirkju.

Ef óskað er eftir þjónustu prests er bent á vaktþjónustu presta í Kópavogi í síma 843 0444.

Sýning Hafdísar Bennett í safnaðarheimilinu Borgum er opin virka daga í júní frá kl. 09:00-13:00 og eftir samkomulagi.

Kópavogskirkja stendur á Borgarholti og blasir við mörgum, sem leggja leið sína um bæinn. Kirkjan var lengi vel eina kirkjan í Kópavogi og liggja rætur margra til hennar enda tákn Kópavogs og í merki bæjarins. Kirkjan var vígð árið 1962 og þarf á verulegri viðgerð að halda meðal annars: á steypu, þaki og gluggum. Einnig þarf að mála kirkjuna að utan og innan.

Steindir gluggar Gerðar Helgadóttur, sem eru einstök listaverk liggja undir skemmdum. Vegna erfiðrar fjárhagsstöðu hefur Kársnessókn ekki bolmagn til að ráðast í nauðsynlegar framkvæmdir. Unnið hefur verið að áætlun um þann kostnað, sem hlýst af því að ljúka verkinu og eru það um 12 milljónir króna.

Kópavogskirkja leitar til sóknarbarna og velunnara um aðstoð. Á fundi Bæjarráðs Kópavogs 15. maí síðastliðinn var samþykkt að styrkja Kársnessókn við framkvæmdina.

Söfnunarreikningur vegna verksins er: 0536-26-630000, kennitala: 691272-0529

Guðsþjónusta verður á sjómannadegi 7. júní n.k. kl. 11:00 í Kópavogskirkju. Sr. Sigurður Arnarson, prédikar og þjónar fyrir altari. Kór Kópavogskirkju syngur undir stjórn Lenku Mátéová.

Fimmtudagskvöldið 28. maí síðastliðinn söng kór frá Southwark dómkirkjunni í Lundúnum tónleika í safnaðarheimilinu Borgum.

Meðfylgjandi myndir voru teknar á tónleikunum.