Barna- og fjölskylduguðsþjónusta verður í Kópavogskirkju sunnudaginn 7. febrúar n.k. kl. 11:00. Sr. Sigurður Arnarson og Þóra Marteinsdóttir leiða stundina. Félagar úr 3. bekk í Skólakór Kársnes syngja undir stjórn Álfheiðar Björgvinsdóttur. Barn borið til skírnar. Sunudagskólinn tekur þátt í stundinni. Allir hjartanlega velkomnir.
Nýlega tók Björg Eysteinsdóttir meðfylgjandi mynd af kirkjunni.
Prjónahópur Kópavogskirkju hittist 1 og 3 fimmtudag í hverjum mánuði í safnaðarheimilinu Borgum kl.20:00. Allir hjartanlega velkomnir.
Miðvikudaginn 27. janúar síðastliðinn fór fram frá Kópavogskirkju útför Guðmundínu Oddbjargar Magnúsdóttur eða Mundu eins og hún var kölluð. Munda var búsett í sókninni í áratugi. Hún skar ýmislegt út í tré meðal annars gestabók með Kópavogskirkju framan á. Meðfylgjandi ljósmynd var tekin af þessu fallega handverki Mundu.
Messa verður 31. janúar n.k. kl. 11:00 í Kópavogskirkju. Sr. Sigurður Arnarson, prédikar og þjónar fyrir altari ásamt Ástu Ágústsdóttur, djákna. Kór Kópavogskirkju syngur undir stjórn Lenku Mátéová. Sunnudagaskólinn hefst í kirkjunni en flyst síðan í safnaðarheimilið Borgir. Til messunnar eru boðin fermingarbörn vorsins og foreldrar þeirra. Eftir messu verður fundur í kirkjunni með fermingarbörnum og foreldrum þeirra.
Næsta Mál dagsins verður 26. janúar n.k. kl. 14:30-16:00 og hefst með samsöng undir stjórn Friðriks Kristinssonar og Lenku Mátéová. Um kl. 15:10 verður flutt 20 mínútna erindi. Klukkan 15:30 er drukkið kaffi og stundinni lýkur kl. 16:00 með bæn og blessun.
Mánudaginn 1. febrúar n.k. frá kl. 20:00-21:30 hefur göngu sína starf með syrgjendum alls 8 skipti (hisst er vikulega fyrstu 6 skiptin). Hópurinn er ætlaður konum, sem hafa misst nána ættingja. Handleiðslu annast Ásta Ágústsdóttir, djákni. Nánari upplýsingar má fá á skrifstofu safnaðarins virka daga á milli 09:00-13:00 eða með því að senda tölvupóst á netfangið: asta.agustsdottir@kirkjan.is
Guðsþjónusta verður í Kópavogskirkju sunnudaginn 24. janúar n.k. kl. 11:00. Dr. Sigurjón Árni Eyjólfsson, héraðsprestur prédikar og þjónar fyrir altari. Kór Kópavogskirkju syngur undir stjórn Lenku Mátéová. Sunnudagaskólinn hefst að venju í kirkjunni.
Kirkjustarf fyrir börn í 1-4 bekk hefst aftur miðvikudaginn 19. janúar eftir jólafrí. Starfið er á miðvikudögum frá kl. 14:00-15:00. Ef óskað er eftir því er hægt að ná í börnin í Dægradvöl Kársnesskóla og skila aftur að starfi loknu. Allir hjartanlega velkomnor
Að skoða hið augljósa? Guðfræði Jóhannesar. Fyrirlestraröð í Breiðholtskirkju fimmtudagskvöld kl. 20 – 22. Fyrsta skiptið er 14. jan og síðasta 17. mars. nóv.
Dr. dr. Sigurjón Árni Eyjólfsson héraðsprestur fjallar um guðfræðina í guðspjalli Jóhannesar. Það má segja að meðan samstofna guðspjöllin (matt, mark og lúk) fjalla um verk og hlutskipti Jesú þá fjalli Jóhannes meira um hver Jesú er og örlög hans. Farið verður í nokkrar lykiltexta, eins og jólaguðspjall Jóhannesar m.a texta um æðstaprestsbænina, krossfestingu, upprisu og fleiri. Hér er á ferðinni spennandi námskeið þar sem leitast er við að svara spurningum þeirra sem vilja vita meira.
Um kennarann: Dr. dr. Sigurjón Árni er einn fremsti fræðimaður íslendinga í guðfræði. Hann starfar sem héraðsprestur í Reykjavíkurprófastsdæmi eystra og leiðir þar predikunnarsamfélag presta. Hann hefur kennt guðfræði bæði við Háskóla Íslands og einnig við Háskólann í Kiel í Þýskalandi. Sigurjón hefur einnig gefið út fjölda bóka um guðfræði og er án vafa afkastamesti guðfræðihöfundur landsins. Nú síðast kom út bókin: Trú, von og þjóð – Sjálfsmynd og staðleysur. Á námskeiðinu verður boðið upp á fyrirlestur og síðan verða umræður um efnið yfir kaffibolla þar sem þátttakendur eru hvattir til að leggja til umræðunnar
Messa & sunnudagaskóli 24/11/24nóvember 21, 2024 - 12:03 e.h.
„Dag í senn“ – messa 17. nóvember 2024nóvember 12, 2024 - 3:33 e.h.
Barna og fjölskylduguðsþjónusta 10/11/24nóvember 6, 2024 - 11:04 f.h.
Guðsþjónusta 3. nóvember kl. 11:00 í Kópavogskirkjuoktóber 30, 2024 - 9:50 f.h.
Messa & sunnudagaskóli 27/10/24október 24, 2024 - 12:42 e.h.