Guðsþjónusta 27. maí kl.11:00
Guðsþjónusta verður í Kópavogskirkju sunnudaginn 27. maí kl.11:00. Sr. Sigurður Arnarson, prédikar og þjónar fyrir altari. Félagar úr Kór Kópavogskirkju syngja undir stjórn Lenku Mátéová.
Archive for month: maí, 2018
Messa á Hvítasunnudag kl.11:00
Messa verður á Hvítasunnudag 20. maí n.k. kl.11:00 í Kópavogskirkju. Sr. Sigurður Arnarson, prédikar og þjónar fyrir altari. Kór Kópavogskirkju syngur undir stjórn Lenku Mátéová. Allir hjartanlega velkomnir.
Viðgerðir á Kópavogskirkju
Viðgerðir á Kópavogskirkju.
Í júní verða teknir niður steindir gluggar Gerðar Helgadóttur á suðurhlið kirkjunnar og sendir til viðgerðar í Oidtmann glerverksmiðjurnar í Þýskalandi. Á meðan verður gert við gler að utananverðri suðurhlið kirkjunnar. Steindu gluggarnir verða svo settir aftur upp eftir viðgerð í september n.k.
Í sumar verður jafnframt gert við allt rafkerfi kirkjunnar.
Ekki verður helgihald á sunnudögum í júní og júlí í kirkjunni eða helgisundir á þriðjudögum (bent er á guðsþjónustur og messur í Digraneskirkju í júní og Hjallakirkju í júli kl.11:00 og sunnudagaskóla í Lindakirkju kl. 11:00). Guðsþjónstur verða svo kl. 11:00 á sunnudögum í Safnaðarheimilinu Borgum (skáhalt gengt Gerðarsafni) í ágúst og september n.k.
Fermingar vorið 2019 í Kópavogskirkju
Fermingar 2019 í Kópavogskirkju
Síðsumarnámskeið verður 20. til 22 ágúst, 2018 frá kl. 9:15-13:30 í safnaðarheimilinu Borgum.
Vetrarfermingarfræðsla verður vikulega næsta vetur frá og með september, 2018 í safnaðarheimilinu Borgum (nánar tilkynnt síðar).
Messur 19. ágúst 2018 og 20. janúar 2019 og fundur með foreldrum eftir messu.
Mikilvægt er að foreldrar og fermingarbörn komi á þessa fundi.
Í haust förum við í Vatnaskóg og dveljum þar í einn dag. Farið verður í Vatnaskóg og komið til baka að Kópavogskirkju eftir kvöldmat í Vatnaskógi.
Sameiginlegir fermingarfræðslutímar (fyrir bæði síðsumarfræðslu- og vetrarfræðsluhóp) verða kynntir í haust.
Aukatímar gætu orðið á laugardögum kl. 11:00 ef einhverjir komast ekki á fyrirframskipulögðum fræðslutímum.Það yrði auglýst síðar.
Bækurnar sem eru notaðar heita: Con Dios, A ha, og Kirkjulykill (verða til sölu hjá okkur ef fólk vill). Hægt er að fá Nýja testamenntið gefins hjá okkur og Sálmabókin er lánuð.
Mikilvægt er að eignast bókina strax, svo við getum verið samferða í tímunum. Einnig skal hafa með sér í alla tíma A4 verkefnabók.
Messur í vetur!
Fermingarbörnin eru hvött til að sækja helgihald eins vel og unnt er og að sjálfsögðu allir velkomnir með þeim.
Í helgihaldið eru fermingarbörnin beðin um að taka með sér „Kirkjulykilinn“ og fylla út sérstök kirkjusóknarblöð í bókinni.
Fermingarbörn skrá sig hjá kirkjuverði eftir hverja messu.
Foreldrar eru einnig hvött til að sækja helgihaldið með sínum unglingum.
Í messunum og guðsþjónustunum er beðið um að fermingarbörn taki tillit til annarra kirkjugesta og hafa í huga að þau eru á helgum stað. Beðið eru um að farsímar (snjallsímar) séu ekki í notkun á meðan helgihaldinu stendur, það sé slökkt á þeim.
Við, sem söfnuður, eigum saman kirkjuhúsið og safnaðarheimilið.
Íbúar sóknarinnar, sem eru skráðir í Þjóðkirkjuna, greiða til kirkjunnar sóknargjöld sem standa undir öllum rekstri hennar. Göngum þess vegna vel um kirkjuna okkar og hugum vel að stað og stund.
Fermingardagar 2019 verða sem hér segir:
Sunnudagurinn 7. apríl, 2019 kl.11:00
Pálmasunnudagur 14. apríl, 2019, kl. 11:00
Skírdagur 18. apríl 2019, kl. 11:00
Fermingarbörn geta valið fermingardaga eins og undanfarin ár. Hver ferming tekur mislangan tíma en það fer eftir fjölda fermingarbarna hverju sinni. Allir eru að sjálfsögðu velkomnir í fermingarnar.
Æfingar fyrir fermingarmessur eru í Kópavogskirkju, vorið 2019:
Sunnudagurinn 7. apríl, 2019 kl.11:00: Æfingar eru: 4. og 5. apríl kl. 16:15-17:15
Pálmasunnudagur 14. apríl, 2019, kl. 11:00. Æfingar eru 11. og 12. apríl kl. 16:15-17:15
Skírdagur 18. apríl 2019, kl. 11:00. Æfingar eru 15 og 16. apríl kl. 10:00-11:00.
Kópavogskirkja á heimasíðu:
www.kopavogskirkja.is
Þar leitumst við að hafa allar upplýsingar um starfið og ýmsa aðra þætti.
Fermingarfræðslugjald er 19.146 krónur samkvæmt ákvörðun Innanríkisráðuneytisins (ef gjaldskrá breytist verður það kynnt sérstaklega).
Ef óskað er eftir að greiða gjaldið síðar vinsamlega sendið tölvupóst á netfagnið: sigurdur.arnarson@kirkjan.is
VIÐ NOTUM TÖLVUPÓST Í SAMSKIPTUM
MIKILVÆGT AÐ FÁ NETFÖNG FERMINGARBARNA OG FORELDRA TIL AÐ ALLAR UPPLÝSINGAR BERIST GREIÐLEGA. Allar upplýsingar varðand safnaðarstarfið verða birtar á www.kopavogskirkja.is
Guðsþjónusta og aðalsafnaðarfundur
Guðsþjónusta verður í Kópavogskirkju sunnudaginn 13. maí n.k. kl.11:00. Sr. Sigurður Arnarson, prédikar og þjónar fyrir altari ásamt Ástu Ágústsdóttur, djákna. Kór Kópavogskirkju syngur undur stjórn Lenku Mátéová. Á eftir guðsþjónustu verður aðalsafnaðarfundur Kársnessóknar í safnaðarheimilinu Borgum. Allir hjartanlega velkomnir.
Guðsþjónusta á Uppstigningardegi 10. maí n.k. kl.14:00
Guðsþjónusta verður á Uppstigningardegi, 10. maí kl. 14:00 í Kópavogskirkju. Sr. Sigurður Arnarson, og Ásta Ágústsdóttir, þjóna fyrir altari. Félagar úr Kór Kópavogskirkju syngja. Á eftir guðsþjónustu er kirkjugestum boðið að þiggja veitingar í boði sóknarnefndar í safnaðarheimili Kópavogskirkju, Borgum. Skólakór Kársnes mun þar taka lagið undir stjórn Álfheiðar Björgvinsdóttir. Allir hjartanlega velkomnir.
Fermingar 2019
Þau sem ætla að fermast vorið 2019 í Kópavogskirkju og forsjárfólk þeirra eru boðuð til guðsþjónustu sunnudaginn 6. maí næstkomandi klukkan 11:00 í kirkjunni.
Eftir guðsþjónustu verður stuttur kynningarfundur um fræðsluna og fermingarnar.
Skráning fer þá einnig fram í fermingarfræðsluna og kynntir verða fermingardagarnir næsta vor.
Þau sem ekki komast í guðsþjónustuna og á fundinn en vilja sækja fræðslu og fermast næsta vor eru hvött að senda fulltrúa sína.
Allir hjartanlega velkomnir.
