Archive for year: 2020

Vegna sumarleyfa verður ekki viðvera á skrifstofu Kópavogskirkju frá 6. júlí til og með 13. ágúst n.k. Hægt er að ná sambandi við sr. Sjöfn Jóhannesdóttur, settan sóknarprest með tölvupósti sjofnjo@simnet.is eða í síma 892 7651. Einnig verður kirkjuvörður Hannes Sigurgeirsson að störfum í sumar, hægt er að ná sambandi við hann með tölvupósti kirkjuvordur@kopavogskirkja.is eða í síma 898 8480. Samstarf er um helgihald í söfnuðum Kópavogs og eru guðsþjónustur í Hjallakirkju kl 11.00 alla sunnudaga í júlí. 2. ágúst verður guðsþjónusta í safnaðarheimili Kópavogskirkju, Borgum og síðasta guðsþjónustan í sameiginlegu helgihaldi sumarsins verður í Digraneskirkju 9. ágúst.

Sameiginleg helgistund Kópavogs-, Digranes- og Hjallakirkju á sjómannadag kl. 11.00, í safnaðarheimili Kópavogskirkju Borgum. Sr. Sjöfn Jóhannesdóttir, settur sóknarprestur flytur hugvekju og þjónar fyrir altari. Kór Kópavogskirkju syngur undir stjórn Lenku Mátéová, kantors kirkjunnar. Tónlistin ber merki sjómannadagsins og munu þeir Páll Elíasson og Hannes Sigurgeirsson leika á harmonikkur.

Guðsþjónusta kl. 11.00 sunnudaginn 24. maí. Sr. Sjöfn Jóhannesdóttir, settur sóknarprestur prédikar og þjónar fyrir altari. Félagar úr kór Kópavogskirkju syngja undir stjórn Lenku Mátéová, kantors kirkjunnar.

Bænastund verður í Kópavogskirkju sunnudaginn 3. maí kl. 12.00. Sr. Sjöfn Jóhannesdóttir settur sóknarprestur leiðir bænir, ásamt messuþjónum. Lenka Mátéová kantor leikur tónlist á orgel kirkjunnar.

Á páskadag var guðsþjónusta í Kópavogskirkju sem var tekin upp og má nálgast upptöku hér:   https://www.youtube.com/watch?v=oUePh6nJ7dQ   Sr. Sjöfn Jóhannesdóttir, settur sóknarprestur prédikaði og þjónaði fyrir altari, félagar úr kór Kópavogskirkju sungu undir stjórn Lenku Mátéová sem lék á orgelið. Messuþjónarnir Anna María Hákonardóttir og Egill Reynisson lásu bænir.