Það er stundum ys og þys víða á aðventu. En þegar atið er mest, er mikilvægast að staldra við og minna sig á það sem skiptir mestu máli. Á sunnudaginn 22. desember verður aðventuguðsþjónusta í Kópavogskirkju. Sr. Grétar Halldór Gunnarsson prédikar og þjónar fyrir altari. Perla María Hauksdóttir leiðir safnaðarsöng og Elísa Elíasdóttir spilar á píanó. Vertu velkomin/n í Kópavogskirkju á sunnudag.
Annan sunnudag í aðventu, þann 8. desember verður aðventuguðsþjónusta við Kópavogskirkju kl. 11.00. Kór Kópavogskirkju syngur, Elísa Elíasdóttir er organisti og sr. Grétar Halldór Gunnarsson Prédikar og þjónar fyrir altari. Á sama tíma, kl. 11.00 í kapellunni okkar í Borgum safnaðarheimili verður sunnudagaskólinn á sínum stað, leiddur af æskulýðsleiðtogum Kópavogskirkju.
Sunnudaginn 24. nóvember kl. 11 verður messa í Kópavogskirkju kl. 11.00. Kór Kópavogskirkju leiðir söng, Elísa Elíasdóttir er organisti og Sr. Grétar Halldór Gunnarsson prédikar og þjónar fyrir altari. Á sama tíma verða æskulýðsleiðtogarnir okkar með sunnudagaskóla í kapellunni í Borgum safnaðarheimili.
Nú eru liðin 15 ár frá því safnaðarheimili Kársnessóknar (nefnt Borgir í daglegu tali) var tekið í notkun. Árni Tómasson, formaður bygggingarnefndar hússins rakti söguna og afhennti sóknarnefnd á sóknarnefndarfundi nýverið skýrslu þar sem hann fjallar meðal annars um: aðdraganda að byggingunni, verkefni nefndarinnar, undirbúning, framkvæmdir, fjármögnun, samninga, uppgjör og stöðu og framtíðarhorfur. Frá vinstri á myndinni eru: Rafn Árnason, sóknarnefnd, Árni Tómasson, sr. Grétar Halldór Gunnarsson, Margrét Birna Skúladóttir, Ásta Ágústsdóttir, djákni, Guðmundur Jóhann Jóhannsson, formaður sóknarnefndar og sr. Sigurður Arnarson.
