Kópavogskirkja verður opin á skrifstofutíma,
virka daga frá kl. 9:15-13:00 eins og verið hefur.
Kapellan í safnaðarheimilinu Borgum og
kirkjan eru opin eftir samkomulagi eins og verið hefur.
Fólki er velkomið að eiga þar sína stund
með Guði eða fá fyrirbæn, sé þess óskað.
Sr. Sjöfn Jóhannesdóttir settu sóknarprestur og Ásta Ágústsdóttir, djákni verða á vaktinni til að sinna sálgæslu, bæði einstaklingsviðtölum og viðtölum í gegn um síma. Best er að panta viðtal eða símtal með því að hringja í síma 554 1898 á skrifstofutíma eða senda tölvupóst á: sjofnjo@simnet.is eða asta.agustsdottir@kirkjan.is
Hefðbundið helgihald og safnaðarstarf fellur niður á meðan samkomubann ríkir. Kirkjan mun verða opin á guðsþjónustutíma milli kl. 11.00 og 12.00 á sunnudögum, þar sem unnt er að eiga notalega stund. Sr. Sjöfn Jóhannesdóttir mun leiða bænastund einnig mun Lenka Mátéová, kantor kirkjunnar sjá um tónlistarflutning. Við biðjum kirkjugesti að virða tilmæli Landlæknis um tveggja metra millibil milli kirkjugesta.
Fermingar vorsins færast til 20. og 27. september n.k. kl. 11:00.
Messuhald og fermingar falla niður í vor vegna samkomubanns.
Í samhljóðan við ákvörðun stjórnvalda sem kynnt var á upplýsingafundi forsætisráðherra rétt í þessu um samkomubann vegna útbreiðslu COVID-19 veirunnar hefur biskup Íslands sent út eftirfarandi tilkynningu.
Allt messuhald og vorfermingar falla niður í Þjóðkirkjunni. Ákvörðunin er tekin með almannaheill í húfi og gildir á meðan samkomubann er í gildi.
Ekki er ljóst á þessari stundu hvenær farið verður af stað aftur með hefðbundið starf.
Ákvörðun biskups Íslands verður endurskoðuð í samhengi við frekari ákvarðanir stjórnvalda.
Hins vegar verður streymt frá messuhaldi á netinu þann tíma sem almennt messuhald fellur niður.
Prestar landsins halda áfram að gegna mikilvægri sálgæsluþjónustu með öllum þeim varúðarsjónarmiðum sem landlæknir hefur gefið út.
Boð þess efnis fóru frá biskupi Íslands út til presta rétt í þessu.
Ljóst er að þessi ákvörðun setur þann einstaka viðburð sem ferming er hverjum einstaklingi og fjölskyldu hans í erfiða stöðu. Fermingardagur er tímamótaviðburður í lífi einstaklinga – um leið er dagurinn oft mikið ættar- og vinamót. Þetta er því þung ákvörðun að taka, en um leið afar mikilvæg og tekin með velferð fólks í huga.
Framundan er mikil áskorun fyrir íslenskt samfélag að takast á við þennan vágest sem COVID-19 er. Þar mun fullur sigur vinnast með samtakamætti, samheldni og ábyrgð – trú, von og kærleika.
Sem stendur er gert ráð fyrir sumarfermingum og haustfermingum. Allar nánari útfærslur verða gerðar í samráði presta og safnaða. Við hvetjum því alla að hafa samband við sinn prest eða kirkju varðandi framhaldið.
Næstu dagar munu einkennast af snörum vendingum, nýjum upplýsingum og hröðum skiptingum. Það er því afar mikilvægt að fylgjast vel með og samtaka að fylgja fyrirmælum stjórnvalda.
Biskup Íslands mun ávarpa þjóðina í útvarpsmessu á sunnudag. Að þessu sinni verður útvarpsmessan frá Reynivöllum í Kjós þar sem sr. Arna Grétarsdóttir þjónar.
https://www.kopavogskirkja.is/wp-content/uploads/2018/02/kopavogskirkja_logo.png00Sigurður Arnarsonhttps://www.kopavogskirkja.is/wp-content/uploads/2018/02/kopavogskirkja_logo.pngSigurður Arnarson2020-03-13 12:23:022020-03-17 10:02:56Fréttatilkynning frá biskupi Íslands
Umræðan um aðgerðir við Corona veirunni hefur ekki
farið fram hjá neinu okkar undanfarið. Meðan samkomubann er ekki í gildi er stefnt að því að ferma á áður auglýstum
dögum í vor í Kópavogskirkju og æskulýðsfundir yrðu á fimmtudagskvöldum kl. 20:00-21:30. til og meðl 2. apríl n.k. Altarisgöngur yrðu svo síðar. Ef einhverjir kjósa
að hætta við fermingu nú í vor þá finnum við að sjálfsögðu annan tíma, sem
henntar. Þau sem hefðu hug á að breyta bókunum á sal í safnaðarheimilinu endilega hafið þá beint samband við Ástu, djákna.
Ef
yfirvöld setja á samkomubann falla allar fermingar vorsins sjálfkrafa niður. Ef
svo fer bjóðum við þá upp á að ferma í Kópavogskirkju 20. og 27. september í
haust kl. 11:00. Skráningar í þær fermingar hefjast ekki nema þörf verði á en
þá verða þær með sama sniði og síðast.
Bestu
kveðjur,
Sigurður
Arnarson, sóknarprestur og Ásta Ágústsdóttir, djákni, Kópavogskirkju
Guðsþjónusta verður 15. mars n.k. kl. 11:00. Sr. Sigurður Arnarson, prédikar og þjónar fyrir altari. Félagar úr Kór Kópavogskirkju syngja. Sunnudagaskóli á sama tíma í safnaðarheimilinu Borgum.
https://www.kopavogskirkja.is/wp-content/uploads/2018/02/kopavogskirkja_logo.png00Sigurður Arnarsonhttps://www.kopavogskirkja.is/wp-content/uploads/2018/02/kopavogskirkja_logo.pngSigurður Arnarson2020-03-10 13:50:002020-03-17 10:02:56Guðsþjónusta 15. mars
Mál dagsins (félgsstarf eldra fólks í Kársnessöfnuði) fellur niður frá og með þriðjudeginum 10. mars, 2020 og til þess tíma er varúðarráðstafanir Kópavogsbæjar og elli- og hjúkrunarheimila vegna Covid19 standa yfir.
Mál dagsins hefst að venju þriðjudaginn 3. mars kl. 14:30 með samsöng undir stjórn Friðriks Kristinssonar. Kl. 15:10 til 15:30 heldur Þórður Guðnason, bóndi frá Köldukinn erindi. Klukkan 15:30 er drukkið kaffi og með því og stundinni lýkur með bæn og blessun.
Guðsþjónusta verður sunnudaginn 8. mars kl. 11:00. Sr. Sigurður Arnarson, prédikar og þjónar fyrir altari. Félagar úr Gídeonfélaginu kynna starf sitt. Félagar úr Kór Kópavogskirkju syngja. Sunnudagaskólinn á sama tíma í safnaðarheimilinu Borgum.Guðsþjó
https://www.kopavogskirkja.is/wp-content/uploads/2018/02/kopavogskirkja_logo.png00Sigurður Arnarsonhttps://www.kopavogskirkja.is/wp-content/uploads/2018/02/kopavogskirkja_logo.pngSigurður Arnarson2020-03-03 10:46:372020-03-17 10:02:56Guðsþjónusta 8. mars kl. 11:00
Þau sem óska eftir því að fermast og hafa ekki skráð sig geta haft samband með tölvupósti við sr. Sigurð Arnarson, sóknarprest (sigurdur.arnarson@kirkjan.is). Síðsumarnámskeið verður 17. til 19. ágúst, 2020 frá kl. 9:15-12:30 í safnaðarheimilinu Borgum. Vetrarfermingarfræðsla (fyrir þau sem ekki eru á síðsumarsnámskeiðinu) verður vikulega næsta vetur frá og með byrjun september, 2020 í safnaðarheimilinu Borgum (nánar tilkynnt síðar).
Messur 23.
ágúst 2020 og 31. janúar 2021 og
fundur með foreldrum eftir messu.
Mikilvægt
er að foreldrar og fermingarbörn komi á þessa fundi.
Í haust förum við í Vatnaskóg og
dveljum þar í einn dag. Farið verður í
Vatnaskóg og komið til baka að
Kópavogskirkju eftir kvöldmat í Vatnaskógi (dagsetning nánar tilkynnt síðar)
Sameiginlegir fermingarfræðslutímar (fyrir bæði síðsumarfræðslu- og
vetrarfræðsluhóp) verða (hálfur dagur fyrir áramót og hálfur dagur eftir áramót).
Aukatímar
gætu orðið á laugardögum kl. 11:00 ef einhverjir komast ekki á
fyrirframskipulögðum fræðslutímum.Það yrði auglýst síðar.
Bækurnar
sem eru notaðar heita: Con Dios, A ha, og Kirkjulykill (verða til sölu hjá okkur ef fólk
vill). Hægt er að fá Nýja testamenntið
gefins hjá okkur og Sálmabókin er lánuð.
Mikilvægt er að eignast bækurnar
strax og kennsla hefst í ágúst, svo við getum verið samferða í tímunum.
Áríðandi er að fermingarbörn sæki helgihald eins vel og unnt er og að sjálfsögðu allir velkomnir með þeim. Í helgihaldið eru fermingarbörnin beðin um að taka með sér „Kirkjulykilinn“ og fylla út sérstök kirkjusóknarblöð í bókinni. Fermingarbörn skrá sig hjá kirkjuverði eftir hverja messu. Foreldrar eru einnig hvött til að sækja helgihaldið með sínum unglingum.
Í messunum og guðsþjónustunum er
beðið um að fermingarbörn taki tillit til annarra kirkjugesta og hafa í huga að
þau eru á helgum stað. Beðið eru um að farsímar (snjallsímar)
séu ekki í notkun á meðan helgihaldinu
stendur, það sé slökkt á þeim.
Við, sem söfnuður, eigum saman
kirkjuhúsið og safnaðarheimilið. Íbúar
sóknarinnar, sem eru skráðir í Þjóðkirkjuna, greiða til kirkjunnar sóknargjöld
sem standa undir öllum rekstri hennar. Göngum þess vegna vel um kirkjuna okkar
og hugsum vel um hana.
Fermingardagar 2021 verða sem hér segir:
Sunnudag 21. mars, 2021, kl. 11:00
Pálmasunnudag
28. mars, 2021 kl.11:00
Skírdagur 1. apríl 2021, kl. 11:00
Fermingarbörn geta valið fermingardaga eins og
undanfarin ár. Hver ferming tekur mislangan tíma en það fer eftir fjölda
fermingarbarna hverju sinni. Allir eru
að sjálfsögðu velkomnir í fermingarnar.
Æfingar fyrir fermingarmessur eru í
Kópavogskirkju, vorið 2021:
MIKILVÆGT
AÐ FÁ NETFÖNG FERMINGARBARNA OG FORELDRA TIL AÐ ALLAR UPPLÝSINGAR BERIST
GREIÐLEGA. Allar upplýsingar varðand
safnaðarstarfið verða birtar á www.kopavogskirkja.is
