Archive for category: Fréttir

Mál dagsins 17. desember hefst kl. 14:30 með samsöng undir stjórn Friðriks Kristinssonar og Lenku Mátéová. Klukkan 15:10-15:30 mun Páll Baldvin Baldvinsson segja frá nýútkominni bók sinni um Síldarárin. Klukkan 15:30 verður drukkið kaffi og kl. 16:00 lýkur stundinni með bæn og blessun. Allir hjartanlega velkomnir.

Mál dagsins verður þriðjudaginn 10. desember og hefst kl. 14:30 í safnaðarheimilinu Borgum með samsöng undir stjórn Friðriks Kristinssonar og Lenku Mátéová. Klukkan 15:10 verður flutt mál dagsins. Klukkan 15:30 verður drukkið kaffi og stundinni lýkur með bæn og blessun kl. 16:00. Allir hjartanlega velkomnir.

Hlaupið var á milli kirkna í Kópavogi í morgunn og tóku yfir 100 manns þátt í hlaupinu. Hlaupið er samvinnuverkefni á milli Hlaupahóps Breiðabliks og Kópavogskirkju. Í upphafi var safnast saman í Kópavogskirkju og farið yfir hlaupa- og gönguleiðir en gönguhópur tók nú þátt í fyrsta sinn. Lenka Mátéová, kantor Kópavogskirkju lék á orgel kirkjunnar og viðstaddir sungu saman „Bjart er yfir Betlehem“. Að loknu hlaupi og göngu var safnast saman í safnaðarheimili Kópavogskirkju, Borgum en þar var í boði heitt súkkulaði og piparkökur.

ALLIR VELKOMNIR MEÐ AÐVENTUHLAUP OG GÖNGU KÓPAVOGS 2019
Kópavogskirkja efnir nú í sjötta sinn til hlaups á milli kirkna og kapella í Kópavogi í samvinnu við hlaupahóp Breiðabliks.Safnast er saman í Kópavogskirkju, Siggi prestur tekur vel á móti okkur og sunginn jólasálmur. Aðgangur er að salerni inni í kirkjunni. Einnig verður myndataka áður en lagt verður af stað.
Hlaupinn verður ca.11 km hringur- ATH: ÞETTA ER SAMSKOKK, ALLIR SAFNAST SAMAN VIÐ KIRKJURNAR/KAPELLURNAR ÁÐUR EN HALDIÐ ER AF STAÐ AÐ NÆSTA ÁFANGASTAÐ -Komið verður við á eftirfarandi stöðum á leiðnini: Kópavogskirkja – Hjallakirkja – Lindakirkja – Digraneskirkja – Sunnuhlíðarkapella – Kapellan líknardeildinni – Kópavogskirkja Auðvelt að stytta í t.d. 7km hring með því að sleppa Lindakirkju (sjá mynd)
Að þessu sinni verður boðið uppá nýjung, 7km göngu.
AÐ LOKNU HLAUPI/GÖNGU ER BOÐIÐ UPPÁ HEITT SÚKKULAÐI OG PIPARKÖKUR Í BORGUM – SAFNAÐARHEIMILI KÓPAVOGSKIRKJU.