Archive for category: Fréttir

Messa verður sunnudaginn 12. maí kl. 11:00 í Kópavogskirkju. Sr. Sigurður Arnarson, prédikar og þjónar fyrir altari ásamt Ástu Ágústsdóttur, djákna. Kór Kópavogskirkju syngur undir stjórn Lenku Mátéová. Allir hjartanlega velkomnir.

Fermingarbörn vorsins 2020 og foreldrar þeirra eru boðuð til messu sunnudaginn 12. maí næstkomandi klukkan 11:00 í Kópavogskirkju.
Eftir messu verður stuttur kynningarfundur í kirkjunni um fræðsluna framundan og fermingarnar.
Skráning fer þá einnig fram í fermingarfræðsluna og kynntir verða fermingardagarnir næsta vor.
Þau sem ekki komast í messuna og á fundinn en vilja sækja fræðslu og fermast næsta vor eru hvött að senda fulltrúa sína.

Fyrir nokkru var tekin í notkun ný útilýsing Kópavogskirkju. Ljósaútbúnaður gömlu lýsingarinnar var farinn að gefa sig og ákveðið var að endurnýja hann. Til verksins voru fengnir þeir Bjarnþór Sigvarður Harðarson sem hannaði lýsinguna og Lárus Eiríksson, rafverktaki, tók að sér að setja upp ljósin ásamt samstarfsfólki sínu.

Kveikt var á nýju útilýsingunni að kvöldi hins 8. apríl. Það var fulltrúi eldra fólksins, Auður Helga Jónsdóttir, 100 ára gömul, og fulltrúi yngri kynslóðarinnar, Jón Gauti Guðmundsson, nýfermdur, sem tendruðu í sameiningu á nýju lýsingunni. Það var falleg og táknræn athöfn þegar fingur tveggja kynslóða þrýstu saman á rofann og mjúkt ljósið umvafði skyndilega alla kirkjuna að utan.

Athöfninni stjórnaði sóknarpresturinn sr. Sigurður Arnarson. Meðal viðstaddra voru biskup Íslands, sr. Agnes M. Sigurðardóttir og bæjarstjóri Kópavogs, Ármann Kr. Ólafsson; Ásta Ágústsdóttir, djákni við kirkjuna og sr. Gísli Jónasson, prófastur Reykjavíkurprófastsdæmis eystra.

Kópavogskirkja er elsta kirkja Kópavogsbæjar og var reist á árunum 1958-1962. Hún er helsta kennileiti bæjarins og er hluti af bæjarmerki Kópavogs. Kirkjuna prýða steindir gluggar eftir Gerði Helgadóttur og altaristafla sem er eftir Steinunni Þórarinsdóttur. Kópavogskirkja er krosskirkja og mjúkir bogar hennar njóta sín einkar vel þegar hún er upplýst.

Kirkjur víða um land eru margar hverjar upplýstar og verða fyrir vikið enn meiri sveitar- og bæjarprýði en ella.

18. apríl, Skírdagur, kl.11:00 Fermingarmessa. Sr. Sigurður Arnarson og Ásta Ágústsdóttir, þjóna.
18. apríl, Skírdagur, kl.13:15 Helgistund á hjúkrunarheimilinu Sunnuhlíð, sr. Guðmundur Karl Brynjarsson þjónar.
19. apríl, Föstudagurinn langi, kl. 11:00. Dr. Karl Sigurbjörnsson, biskup prédikar og þjónar fyrir altari.
21. apríl, Páskadagurin, kl.08:00. Hátíðarguðsþjónusta. Sr. Sigurður Arnarson, prédikar og þjónar fyrir altari. Hátíðartón sr. Bjarna Þorsteinssonar sungið. Kór Kópavogskirkju syngur undir stjórn Lenku Mátéová, kantors. Á eftir guðsþjónustu býður sóknarnefnd í morgunnverð í safnaðarheimilinu Borgum og annast kórfélagar morgunnverðinn. Klukkan 09:45 verður lagt af stað í gönguferð um Hraunbraut og nágrenni undir forystu Frímanns Inga Helgasonar og félaga úr Sögufélagi Kópavogs. Allir hjartanlega velkomnir.

Mál dagsins 26. mars n.k. hefst kl. 14:30 að venju með samsöng undir stjórn Friðriks Kristinssonar. Klukkan 15:10-15:30 heldur Þorleifur Hauksson, sagnfræðingur erindi um Norður Kóreu. Síðan verður drukkið kaffi og stundinni lýkur með bæn og blessun kl. 16:00. Allir hjartanlega velkomnir.