Archive for category: Fréttir

Nýverið heimsótti hópur frá KFUM og K í Úkraínu og á Íslandi „Mál dagsins“ í safnaðarheimilinu Borgum og einnig unglinga í æskulýðsstarfi Kópavogskirkju.  Kynnti hópurinn „Jól í skókassa“, sem er alþjóðlegt verkefni og felst í því að fá börn jafnt sem fullorðna til þess að gleðja börn, sem lifa við fátækt, sjúkdóma og erfiðleika með því að gefa þeim jólagjafir.  Með slíkum gjöfum er þeim sendur kærleikur Guðs í verki.  Gjafirnar eru settar í skókassa og til þess að tryggja að börnin fái svipaðar gjafir er mælst til þess að ákveðnir hlutir séu í hverjum kassa.  Skókassarnir verða sendir til Úkraínu þar sem búa um 46 milljónir.  Atvinnuleysi er mikið og ástandið víða bágborið.  Íslensku kössunum verður meðal annars: dreift á: munaðarleysingjarheimili, barnaspítala og til barna einstæðra mæðra, sem búa við sára fátækt.  Kirkjan í Úkraínu er rússnesk rétttrúnaðarkirkja en KFUM og K í Úkranínu starfar innan þeirrar kirkjudeildar.  Aðalskipuleggjandi dreifingarinnar í Úkraínu er faðir Evheniy Zhabokovskiy sem kom með hópnum að þessu sinni.

Í guðsþjónustu kl.11:00 í Kópavogskirkju sunnudaginn 5. nóvember n.k. verður beðið fyrir þeim með nafni sem sóknarprestur Kópavogskirkju hefur jarðsungið frá 20. október 2016 til 20. október 2017.  Ásta Ágústsdóttir, djákni mun prédika og þjóna fyrir altari ásamt sr. Sigurði Arnarsyni.  Flutt verður tónlist í kirkjunni frá kl. 10:30 og getur fólk tendrað á ljósi til minningar um látna ástvini.  Kór Kópavogskirkju mun syngja í guðsþjónustunni undir stjórn Lenku Mátéová.  Eftir guðsþjónustuna verður boðið upp á kaffisopa í safnaðarheimilinu Borgum og þar mun sr. Sigurður Arnarson flytja stutt erindi um „Sorg og sorgarviðbrögð“.  Allir hjartanlega velkomnir.

Sunnudagaskólinn er á hverjum sunnudegi kl.11:00 í safnaðarheimilinu Borgum.  Söngur og fræðsla fyrir börn um kristna trú.  Allir hjartanlega velkomnir.

Mál dagins þann 24. október n.k. hefst að venju kl. 14:30 með samsöng undir stjórn Friðriks Kristinssonar og Lenku Mátéová.  Klukkan 15:10 segir Sigurður Ólafur Sigurðsson, ljósmyndari frá störfum sínum við að mynda björgunarfólk að störfum.  Klukkan 15:30 er drukkið kaffi og stundinni lýkur kl.16:00 með bæn og blessun.  Allir hjartanlega velkomnir.