Basar 14. maí
Basar var haldinn sunnudaginn 14 maí síðastliðinn í safnaðarheimilinu Borgum. Félagar í Máli dagsins stóðu fyrir basarnum og var safnað fyrir endurbótum á Kópavogskirkju. Meðfylgjandi myndir voru teknar.
Fermingar vorið 2018
Síðsumarnámskeið verður 14. til 17. ágúst, 2018 frá kl. 9:15-12:30 í safnaðarheimilinu Borgum. Skráningarblöð má nálgast með að senda tölvupóst á: kopavogskirkja@kirkjan.is
Vetrarfermingarfræðsla verður vikulega næsta vetur eftir samkomulagi.
Messur 20. ágúst 2017 og 28. janúar 2018 og fundur með foreldrum eftir messu.
Mikilvægt er að foreldrar og fermingarbörn komi á þessa fundi.
Í haust förum við í Vatnaskóg og dveljum þar í einn dag. Farið verður í Vatnaskóg 18. október kl. 8:30 frá Kópavogskirkju og komið til baka að Kópavogskirkju eftir kvöldmat í Vatnaskógi.
Sameiginlegir fermingarfræðslutímar (fyrir bæði síðsumarfræðslu- og vetrarfræðsluhóp): 3. janúar og 13. mars 2018 frá kl. 09:30-12:15 í safnaðarheimilinu Borgum.
Aukatímar gætu orðið á laugardögum kl. 11:00 ef einhverjir komast ekki á fyrirframskipulögðum fræðslutímum.Það yrði auglýst síðar.
Bækurnar sem eru notaðar heita: Con Dios og Kirkjulykill (fást í bókabúðum og Kirkjuhúsinu á Laugarvegi). Hægt er að fá Nýja testamenntið gefins hjá okkur og Sálmabókin er lánuð.
Einnig er ef til vill hægt að semja við við fermingarbörn frá síðustu árum um not eða kaup á bókinni.
Mikilvægt er að eignast bókina strax, svo við getum verið samferða í tímunum. Einnig skal hafa með sér í alla tíma A4 verkefnabók.
Messur í vetur!
Fermingarbörnin eru hvött til að sækja helgihald eins vel og unnt er og að sjálfsögðu allir velkomnir með þeim.
Í helgihaldið eru fermingarbörnin beðin um að taka með sér „Kirkjulykilinn“ og fylla út sérstök kirkjusóknarblöð í bókinni.
Fermingarbörn skrá sig hjá kirkjuverði eftir hverja messu.
Foreldrar eru einnig hvött til að sækja helgihaldið með sínum unglingum.
Í messunum og guðsþjónustunum er beðið um að fermingarbörn taki tillit til annarra kirkjugesta og hafa í huga að þau eru á helgum stað. Beðið eru um að farsímar (snjallsímar) séu alls ekki í notkun á meðan helgihaldinu stendur, það sé slökkt á þeim.
Við, sem söfnuður, eigum saman kirkjuhúsið og safnaðarheimilið.
Íbúar sóknarinnar, sem eru skráðir í þjóðkirkjuna, greiða til kirkjunnar sóknargjöld sem standa undir öllum rekstri hennar. Göngum þess vegna vel um kirkjuna okkar og hugsum vel um han
Fermingardagar 2018 verða sem hér segir:
Sunnudagurinn 18. mars, 2018, kl.11:00
Pálmasunnudagur 25. mars , 2018, kl. 11:00
Skírdagur 29. mars, 2018, kl. 11:00
Fermingarbörn geta valið fermingardaga eins og undanfarin ár. Hver ferming tekur mislangan tíma en það fer eftir fjölda fermingarbarna hverju sinni. Allir eru að sjálfsögðu velkomnir í fermingarnar.
Æfingar fyrir fermingarmessur eru í Kópavogskirkju:
Sunnudaginn 18. mars, kl. 11:00, þá verður æft 15 og 16. mars kl. 16:00-17:00
Pálmasunnudag 25. mars, kl. 11:00, þá verður æft 22. og 23. mars kl. 16:00-17:00.
Skírdag 29. mars, kl.11:00, þá verður æft 26. og 27. mars, kl. 10:00-11:00.
Kópavogskirkja á heimasíðu:
www.kopavogskirkja.is
Þar leitumst við að hafa allar upplýsingar um starfið og ýmsa aðra þætti.
Fermingarfræðslugjald er 19.146 krónur samkvæmt ákvörðun Innanríkisráðuneytisins (ef gjaldskrá breytist verður það kynnt sérstaklega).
Greiðslukröfur koma í heimabanka fyrir síðsumarsfræðsluna í byrjun ágúst.
Ef óskað er eftir að greiða gjaldið síðar vinsamlega sendið tölvupóst á netfagnið: sigurdur.arnarson@kirkjan.is
VIÐ NOTUM TÖLVUPÓST Í SAMSKIPTUM
MIKILVÆGT AÐ FÁ NETFÖNG FERMINGARBARNA OG FORELDRA TIL AÐ ALLAR UPPLÝSINGAR BERIST GREIÐLEGA. Allar upplýsingar varðand safnaðarstarfið verða birtar á www.kopavogskirkja.is
Ragnar Kjartansson í Máli dagsins
Ragnar Kjartansson, myndlistarmaður hélt erindi í Máli dagsins 9. maí síðastliðinn. Ræddi hann um nokkur verka sinna. Meðfylgjandi myndir voru teknar við þetta tækifæri.
Basar 14. maí n.k.
Basar verður í safnaðarheimili Kópavogskirkju sunnudaginn 14. maí n.k. frá kl. 12:00-16:00. Allur ágóði rennur til viðhalds á Kópavogskirkju. Nokkrir félagar úr Máli dagsins standa fyrir basarnum og verða m.a. kökur í boði og annar varningur. Allir hjartanlega velkomnir.
Guðsþjónusta 14. maí og fundur um fermingar vorið 2018
Guðsþjónusta verður sunnudaginn 14. maí kl. 11:00 í Kópavogskirkju. Sr. Sigurður Arnarson, prédikar og þjónar fyrir altari ásamt Ástu Ágústsdóttur, djákna. Kór Kópavogskirkju syngur undir stjórn Lenku Mátéová. Til guðsþjónustunnar er sérstaklega boðið fermingarbörnum vorsins 2018 og forsjárfólki þeirra. Eftir guðsþjónustuna verður fundur í kirkjunni um fermingarnar framundan og skráning fer fram í fermingarfræðsluna.
Ragnar Kjartanssson gestur í Máli dagsins 9. maí, 2017
Stundin hefst kl. 14:30 með samsöng undir stjórn Friðriks A. Kristinssonar og Lenku Mátéová. Klukkan 15:10-15:30 heldur Ragnar Kjartansson, myndlistarmaður erindi um list sína. Kaffi er drukkið kl.15:30. Stundinni lýkur kl.16:00 með bæn og blessun. Allir hjartanlega velkomnir.
Guðsþjónusta og aðalsafnaðarfundur 7. maí n.k.
Guðsþjónusta verður sunnudaginn 7. maí kl. 11:00 í Kópavogskirkju. Sr. Sigurður Arnarson, prédikar og Ásta Ágústsdóttir, djákni þjónar fyrir altari. Kór Kópavogskirkju syngur undir stjórn Lenku Mátéová. Að lokinni guðsþjónustu verður alsafnaðarfundur Kársnessóknar í safnaðarheimilinu Borgum. Allir hjartanlega velkomnir.
Ljósmynd af Kópavogskirkju
Ljósmyndin var nýlega tekin úr dróna.
Mál dagsins 2. maí n.k.
Mál dagsins verður þriðjudaginn 2. maí n.k. kl. 14:30-16:00. Friðrik Kristinsson og Lenka Mátéová leiða söng. Erindi verður flutt kl. 15:10-15:30. Kaffi og meðlæti. Stundinni lýkur kl. 16:00 með bæn og blessun.
Messa 30. apríl kl.11:00
Messa verður í Kópavogskirkju sunnudaginn 30. apríl n.k. kl.11:00. Dr. Sigurjón Árni Eyjólfsson, prédikar og þjónar fyrir altari. Kór Kópavogskirkju syngur undir stjórn Lenku Mátéová.
