Mál dagsins 14. apríl

/in /by

Mál dagsins verður þriðjudaginn 14. apríl í safnaðarheimilinu Borgum. Stundin hefst á samsöng kl. 14:30 í umsjón Friðriks Kristinssonar og Lenku Mátéová. Um kl. 15:10 mun Kristín Hauksdóttir, sýningarstjóri í Þjóðleikhúsinu halda erindi. Klukkan 15:30 er boðið upp á kaffi og með því. Stundinni lýkur kl. 16:00 með stuttri helgistund.

Allir hjartanlega velkomnir.

Kópavogskirkja upplýst bláum lit

/in /by

Alþjóðlegur dagur einhverfunnar er haldinn um allan heim 2. apríl ár hvert og er fólk um allan heim hvatt til að klæðast bláum fötum þennan dag til að vekja athygli á málefninu. Þar sem 2. apríl bar upp á Skírdag í ár verður blái dagurinn haldinn þann 10. apríl og Kópavogskirkja upplýst bláum lit af þessu tilefni til 17. apríl n.k.

Staðreyndir um einhverfu:

  • 1 af hverju 88 barni fæðist með röskun á einhverfurófi
  • Hjá drengjum eru líkurnar 1 á móti 54 – fimm sinnum meiri en hjá stúlkum
  • Einhverfa er fötlun – ekki sjúkdómur (algengur misskilningur) og því ólæknandi
  • Það skiptir sköpum fyrir einhverfa að fá viðeigandi þjálfun eins fljótt og hægt er

Nánari upplýsingar um einhverfu er að finna á einhverfa.is og greining.is. Þeim sem vilja fræða börn um einhverfu er jafnframt bent á skemmtilegt YouTube myndband eftir Jóhönnu Ýr Jónsdóttur sem kallast “Introvert” sem ætlað er að útskýra einhverfu á einfaldan hátt. Hægt er að nálgast myndbandið hér.

Guðsþjónusta 12. apríl

/in /by

Guðsþjónusta verður 12. apríl n.k. kl. 11:00 í Kópavogskirkju. Dr. Sigurjón Árni Eyjólfsson, héraðsprestur prédikar og þjónar fyrir altari. Kór Kópavogskirkju syngur undir stjórn Lenku Mátéová. Sunnudagaskólinn hefst í kirkjunni og flyst eftir guðsþjónustuupphaf í safnaðarheimilið Borgir.

Allir velkomnir.

Starf fyrir 1.-4. bekk

/in /by

Starf fyrir 1.-4. bekk verður miðvikudaginn 8. apríl n.k í safnaðarheimilinu Borgum. Frá kl. 14:00-15:00 fyrir 3.-4. bekk og frá kl. 15:30-16:30 fyrir 1.-2. bekk.

Allir hjartanlega velkomnir.

Málþing 11. apríl: Upprisan í sálmum og predikun Lúthers

/in /by

Laugardaginn 11. apríl kl. 13:30-16:00 verður haldið málþing í Neskirkju, undir yfirskriftinni: Upprisan í sálmum og prédikun Lúthers.

Málþingið er einn af mörgum viðburðum sem nefnd um fimm alda minningu siðbótarinnar stendur fyrir í tilefni af því að árið 2017 verða liðin 500 ár frá því að Marteinn Lúther hengdi greinarnar 95 á dyr Hallarkirkjunnar í Wittenberg. Sá atburður er talinn marka upphaf siðbótarinnar.

Á málþinginu verða flutt eftirtalin erindi:

  • Dr. Sigurjón Árni Eyjólfsson: „Sáð er forgengilegu, en upp rís óforgengilegt“ – Um dauða og upprisu í guðfræði Lúthers.
  • Dr. Einar Sigurbjörnsson: „Á hólm við dauðann Guðs son gekk“ – Um páskasálma Lúthers.
  • Dr. Margrét Eggertsdóttir: Hveitikorn þekktu þitt. Upprisan í verkum Hallgríms Péturssonar.

Auk þess mun Margrét Bóasdóttir leiða söng þar sem sálmar Lúthers verða kynntir. Sr. Solveig Lára Guðmundsdóttir, vígslubiskup, stýrir umræðum.

Boðið verður upp á kaffi og er málþingið öllum opið.

Mál dagsins 7. apríl, 2015

/in /by

Mál dagsins verður að venju þriðjudaginn 7.apríl n.k. og hefst kl. 14:30 með samsöng undir stjórn Friðriks Kristinssonar og Lenku Mátéová. Um kl. 15:10 heldur Jón Þórhallsson erindi um Wilhelm Beckmann, listamann. Um kl. 15:30 er boðið upp á kaffi og með því. Stundinni lýkur kl. 16:00 með stuttri helgistund.

Allir hjartanlega velkomnir.

Helgihald í Dymbilbiku og um páska

/in /by

2. apríl, kl.11:00. Skírdagur. Ferming. Sr. Sigurður Arnarson, prédikar og þjónar fyrir altari ásamt Ástu Ágústsdóttir, djákna.

3. apríl, kl.11:00. Föstudagurinn langi. Guðsþjónusta.

3. apríl, kl.13-16:00. „Passíusálmar í tali og tónum.“ Lestur á Passíusálmum Hallgríms Péturssonar og tónlistarflutningur.

5. apríl, kl. 08:00. Páskadagur. Hátíðarguðsþjónusta með tónlagi sr. Bjarna Þorsteinssonar. Veitingar að lokinni guðsþjónustu í safnaðarheimilinu Borgum.

5. apríl, kl. 09:45. Páskadagur. Göngutúr um Kársnesið með leiðögn. Lagt af stað frá safnaðarheimilinu Borgum. Leiðsögn annast Frímann Ingi Helgason og Þorleifur Friðrikssson

Passíusálmalestur í Kópavogskirkju á föstudaginn langa 3. apríl n.k.

/in /by

Passíusálmalestur í Kópavogskirkju, föstudaginn langa 3. apríl n.k. Kl. 13.00 – 16.00 verða lesnir valdir passíusálmar sr. Hallgríms Péturssonar, prests í Saurbæ á Hvalfjarðarströnd.

Lesarar sem flytja sálmana eru á öllum aldri sá, yngsti 13 ára, Hekla Martinsdóttir Kolmar, nemandi í Kársnesskóla. Auk hennar lesa, sr. Agnes Sigurðardóttir, biskup Íslands, sr. Karl Sigurbjörnsson, biskup. Gunnlaugur V. Snævarr, áhugamaður um kirkju og kristni , Jónas Ingimundarson, píanóleikari og heiðursborgari Kópavogs, Guðrún Árnadóttir, fyrrum bókavörður og Þórunn Elín Pétursdóttir, söngvari.

Tónlistin fær að njóta sín, Lenka Mátéova kantor Kópavogskirkju leikur á orgel kirkjunnar og leiðir áheyrendur í gegnum sálmalögin sem notuð hafa verið við sálma Hallgríms. Kór Kópavogskirkju syngur og einsöngvarar eru Guðbjörg Björnsdóttir, sópran og Þórunn Elín Pétursdóttir, sópran.

Allir hjartanlega velkomnir en lesturinn verður frá kl. 13.00 – 16.00. Meðfylgjandi er mynd af Heklu Martinsdóttur, yngsta lesaranum.

photo-150x150

Starf fyrir börn í 1.-4. bekk

/in /by

Starfið er á miðvikudögum kl. 14:00-15:00 fyrir 3.-4. bekk og kl. 15:30-16:30 fyrir 1.-2. bekk. Páskafrí verður 1. apríl n.k. en starfið hefst aftur 8. apríl.

Meðfylgjandi myndir voru teknar af félögum í 3.-4. bekk í páskaeggjabingói.

image-26-e1427306783179-150x150 image-30-e1427307070882-150x150 image-251-e1427306742652-150x150